पत्याउनुहुन्छ ? यो हो १९ हजारको बुलेट बाइक, बिल देखेर सबै छक्क परे !

काठमाडौं ।

समय समयमा पुराना बिलसँग सम्बन्धित धेरै तस्विररहरू भाइरल भइरहेका हुन्छन् । अहिले यस्तै एउटा पुरानो बिल सामाजिक सञ्जाल इन्स्टाग्राममा भाइरल भइरहेको छ ।

बिलमार्फत तपाईं करिब ३६ वर्ष पहिले भारतीय बजारमा बुलेट बाइकको मूल्य कति थियो भनेर जान्न सक्नुहुन्छ । बिलमा बुलेट बाइकको मूल्य लेखिएको छ । भाउ देखेर मान्छेहरु राम्रो दिन गएछन् भन्दैछन् ।

अब तपाईं सोच्दै हुनुहुन्छ होला कि त्यो समयमा एउटा बुलेट बाइकको मूल्य कति हुन्थ्यो होला । जवाफ छ भारु १८,७०० मात्र । हो, बिलमा लेखिएको मूल्यलाई हेर्दा सन् १९८६ मा ३५० सीसी इन्जिन भएको बुलेटको मूल्य १८,७०० मात्रै थियो । यो मूल्य उत्कृष्ट मोडेलको हो ।

बिल देखेपछि मान्छेहरु राम्रा दिन गैसकेछन् भन्दै प्रतिकृया दिइरहेका छन् । ३६ वर्ष पुरानो बिललाई देखेर मानिसहरु छक्क परिरहेका छन् । अचम्म लाग्नु पनि स्वभाविक हो । भारतमा आज एउटा बुलेट २ लाखभन्दा कममा आउँदैन् ।

कतिपयले बिलको सत्यतामा पनि प्रश्न उठाए । उनीहरुले यो बिल सत्य नभएको तर्क गरिरहेका छन् । कसैले नक्कली बिल बनाएर भाइरल बनाएको उनीहरूो बुझाई छ । यो तस्विरमा मानिसहरुले विभिन्न खालका प्रतिकृयाहरू दिएका छन् ।

मलाइका अरोरा दोस्रो बिहे गर्ने अन्तिम तयारीमा
मलाइका अरोरा बलिउडकी ग्ल्यामरस र चर्चित अभिनेत्री हुन् । हालै नायिकाले डिजिटल डेब्यु गरेकी छिन् । हाल उनी आफ्नो शो ‘मुभिङ इन विथ मलाइका’मा देखिएकी छिन् ।यस शोमा मलाइका अरोराले फ्यानलाई आफ्नो जीवनमा झलक दिने मौका दिइरहेकी छिन् । शोको हरेक एपिसोडमा फ्यानहरूले मलाइकाका बारेमा धेरै यस्ता कुराहरू थाहा पाउँछन् जुन उनीहरूले कहिल्यै नसुनेका हुन सक्छन् । हालै नायिकाले आफ्नो दोस्रो बिहेको कुरा पनि गरेकी छिन् ।

मलाइका अरोरा एक यस्तो अभिनेत्री हुन् जसले फिल्ममा आफूलाई स्थापित गर्न सकेकी छैनन्, तर उनलाई हेडलाइनमा कसरी रहन राम्रोसँग थाहा छ । सामाजिक सञ्जालमा उनको प्रभुत्व छ । उनको बारेमा जान्नका लागि फ्यानहरु पनि निकै उत्साहित छन् ।

उनको जीवनको रहस्यले मानिसहरूलाई उनीतर्फ आकर्षित गर्न बाध्य पार्छ । मलाइकाले नै अरबाजलाई विवाहको प्रस्ताव गरेकी थिइन् भन्ने सायदै कसैलाई थाहा छैन । यसबाहेक मलाइकाले आफ्नो जीवनका धेरै महत्वपूर्ण खुलासा गरेकी छन् ।

हालै मलाइकाले आफ्नो शो ‘मुभिङ इन विथ मलाइका’मा आफ्नो पूर्व पति अरबाज खानसँग कसरी विवाह गरिन् भन्ने खुलासा गरेकी छन् । अभिनेत्री भन्छिन्, ‘मैले तिमीसँग बिहे गर्न चाहन्छु भनेको थिएँ, तिमी तयार छौ रु’ जवाफमा अरबाजले निकै मायाले भने, ‘तिमीले मात्र दिन र ठाउँ छान्नुपर्छ ।

आफ्नो कुरालाई अगाडि बढाउँदै मलाइकाले भनिन्, ‘सबै कुरा ठिक थियो, केही कुराले मलाई सताइरहेको थियो, त्यसैले मैले अगाडि बढ्नु पर्छ भन्ने महसुस गरें । मैले महसुस गरें कि यो गर्नको लागि सही तरिका हो, केहि सम्बन्धहरू छोड्नुपर्छ । तर बिछोड पछि पनि हामी एकअर्कालाई सम्मान गर्छौं, किनकि अहिले हामी फरक मान्छे भएका छौं ।’

मलाइका अरोराले सन् १९९८ मा अरबाज खानसँग विवाह गरेकी थिइन् । विवाहको यति वर्षपछि सन् २०१६ मा दुवैको बाटो छुट्टियो र दुवैले छुट्टिने निर्णय गरे । उनीहरुको सन् २०१७ मा सम्बन्धविच्छेद भएको थियो । दुबैको एक छोरा अरहान खान छन् । मलाइका हाल अर्जुन कपूरसँग डेट गरिरहेकी छिन् भने अरबाज खान पनि मोडल जर्जिया एन्ड्रियानीसँग सम्बन्धमा छन् ।