शक्तिशाली भूकम्पमा परी १३० जनाको मृत्यु

८ असार, काठमाडौं ।

अफगानिस्तानमा बुधबार बिहान ६.१ म्याग्निच्युडको भूकम्पमा परेर कम्तिमा १३० जनाको मृत्यु भएको एक अधिकारीले बताएका छन् । उनले कम्तिमा २५० जना घाइते भएका र मृतकको संख्या बढ्न सक्ने आशंकामा जाँच भइरहेको बताएका छन् ।

भूकम्प पाकिस्तानी सीमानजिकैको खोस्ट सहरबाट करिब ४४ किलोमिटर ९२७ माइल० टाढा ५१ किलोमिटर गहिराइमा गएको अमेरिकी भूगर्भ सर्वेक्षणले जनाएको छ। अफगानिस्तानको राजधानी काबुलका एक बासिन्दाले युरोपेली मेडिटेरेनियन सिस्मोलोजिकल सेन्टर ९इएमएससी० को वेबसाइटमा “बलियो र लामो झट्काहरू” लेखेर पोस्ट गरेका छन् ।

“यो बलियो थियो,” उत्तरपश्चिमी पाकिस्तानी शहर पेशावरका एक निवासीले समाचार एजेन्सी रोयटर्ससँग भने। पाकिस्तान, अफगानिस्तान र भारतका करिब ११ करोड ९० लाख मानिसले हल्लाएको महसुस गरेको इएमएससीले ट्विटरमा जनाएको छ। अफगान मिडियामा सार्वजनिक तस्बिरहरूमा घरहरू भग्नावशेषमा परेको देखिएको छ।

तालिबान प्रशासनको प्राकृतिक प्रकोप मन्त्रालयका प्रमुख मोहम्मद नसिम हक्कानीले अधिकांश मृत्यु पक्तिका प्रान्तमा भएको बताए, जहाँ १०० जनाको मृत्यु भएको थियो र २५० जना घाइते भएका थिए। खोस्तमा थप २५ र नान्गाहार प्रान्तमा पाँच जनाको मृत्यु भएको उनले बताए । उनले थप हताहत भएको छ कि भनेर अनुसन्धान भइरहेको बताए। पाकिस्तानमा क्षति वा हताहतको कुनै तत्काल रिपोर्ट छैन।

अफगानिस्तानमा तालिबानले अगस्टमा सत्ता कब्जा गरेपछि अमेरिकाको नेतृत्वमा रहेका अन्तर्राष्ट्रिय सेनाहरू दुई दशकको युद्धपछि फिर्ता भएका छन् । अफगानिस्तानले गम्भीर आर्थिक सङ्कट भोगिरहेको बेला यो विपत्ति आएको हो। तालिबान कब्जाको प्रतिक्रियामा, धेरै सरकारहरूले अफगानिस्तानको बैंकिङ क्षेत्रमाथि प्रतिबन्ध लगाएका छन् र अरबौं डलरको विकास सहायतामा कटौती गरेका छन्।