दिपिकाको यस्तो दृष्यले एकैदिन तान्यो ५५ करोड

हाम्रो सन्देश संवाददाता

काठमाडौं ।

बलिउड अभिनेता शाहरूख खान र दिपिका पादुकोण अभिनित चलचित्र ‘पठान’ ले रिलिज भएको पहिलो दिन ५५ करोड भारुको व्यापार गरेको छ ।

उक्त चलचित्र विश्वभर ७ हजार ७ सय वटा स्क्रिनमा हिजो एकैसाथ प्रदर्शन गरिँदा ५३ देखि ५५ करोड रुपैयाँ उठेको बताइएको छ । ‘पठान’ को प्रदर्शनसँगै यसअघि बन्द भएका नेपालका छ वटा हलहरू पनि पुनः सञ्चालनमा आएका छन् ।

चलचित्रमा दिपिकाले लगाएको पोशाकबारे यसअघि नै चर्को विरोध भएको थियो । उनको पोशाकले समाजमा अश्लिलता फैलाउने भारतीयहरुको तर्क छ । त्यसैगरी चलचित्रको गीतमा प्रयोग भएका कतिपय शब्द र दृश्यहरु पनि आपत्तिजनक रहेको भन्दै भारतमा विरोध भएको छ ।

आँचलले पूजालाई ‘अग्रज कलाकार’ भनेपछि…!
पूजा शर्मा र आँचल शर्मा फिल्म उद्योगका समकालीन नायिका हुन्। म्युजिक भिडिओबाट करिअर सुरु गरेका आँचल र पूजाको उमेर अन्तर पनि खासै देखिँदैन। पूजा आफ्नो ब्यानरको फिल्ममा हिट छिन्। आँचल खासै हिट हुन नसकेकी नायिका हुन्। उद्योगमा भने यी दुई केही समयको अन्तरमा आएको देखिन्छ। तर दुवैका फिल्म एकै समयमा चलिरहेका छन्। आँचलले हालै एक अन्तर्वार्तामा पूजा शर्मालाई आफ्नो अग्रज कलाकारका रुपमा परिभाषित गरिन्। अहिले उनलाई यो परिभाषा भारी परेको छ।

पूजालाई मेरो अग्रज कलाकार भनेर आँचलले बोलेको भिडिओ क्लिप्स अहिले सामाजिक सञ्जालमा भाइरल भइरहेको छ। आँचल अहिले सञ्जालमा ट्रोलरको निशानामा परेकी छिन्। धेरै सञ्जाल प्रयोगकर्ताले आँचललाई अग्रजको अर्थ थाहा नभएको भन्दै टिप्पणी गरिरहेका छन्।

आँचलले पूजा आफूभन्दा अगाडि उद्योगमा आएकाले अग्रज भएको उल्लेख गरेकी थिइन्। अग्रज कलाकार भएकाले उद्योगमा पूजासँग आफ्नो कुनै खालको प्रतिस्पर्धा नभएको उनले बताएकी थिइन्।

नेपाली फिल्म ‘थ्रि लभर्स’बाट पूजाले अभिनय सुरु थिइन्। आँचल ठूलो ब्यानरको फिल्म ‘नाई नभन्नु ल ४’बाट ठूलो पर्दामा देखिएकी हुन्। ठूलो पर्दामा देखिने समय अघिपछि भए पनि यी दुवैले फिल्ममा आउनुअघि म्युजिक भिडिओमा काम गरेका छन्। आँचल र पूजा एउटै पुस्ताका नायिका हुन्।

आफूभन्दा केही वर्षअघि उद्योगमा आएकै आधारमा समकालीन नायिकालाई अग्रज भनेपछि आँचल अहिले ट्रोलको सिकार भइरहेकी छन्।