एमसिसि राेक्ने प्रमुख नेता प्रचण्ड हुन, हामि त उहाँकाे पक्षमा उभिएका हाैँ – भिम रावल

हाम्रो सन्देश संवाददाता

२० पुस, काठमाडौं ।

नेकपा एमालेका नेता भिम रावलले एमसीसी राेक्ने प्रमुख पात्र पुष्पकमल दाहाल प्रचण्ड भएकाे वताएका छन । जसले जे भने पनि प्रचण्डले एमसीसी बारे खुल्ला वहस शुरु नगरेकाे भए उहिले नै पास भइसकेकाे हुने थियाे ।

रावलले भने, ‘नेकपा हुँदा एमसीसी अध्ययन कार्यदल बनाउने प्रमुख पात्र नै प्रचण्ड हुन भने हामी सबै उहाँकाे बाटाेमा हिडेका हाै । उहाँ नभएकाे भए भित्र भित्र कसैलाइ थाहा नै नभइ एमसीसी पास हुने थियाे ।’

भीम रावलले एमसीसीमा रहेको देश हितविपरीतका प्रावधान नसच्याइ अनुमोदन गरिए राष्ट्रघात हुने बताएका छन् ।

नेपाल–चीन जनमैत्री प्रतिष्ठानले शनिबार काठमाडौंमा आयोजना गरेको कार्यक्रममा रावलले एमसीसी इन्डो प्यासिफिक रणनीतिअन्तर्गतको रहेको पुष्टि भइसकेको भन्दै देश हितविपरीतका प्रावधान नसच्याइ अनुमोदन गरिए राष्ट्रघात हुने बताएका हुन् ।

अमेरिकाका मन्त्रीले नै एमसीसी इन्डो प्यासिफिक रणनीतिअन्तर्गत हो भनिसकेको अवस्थामा नेपालका बिज्ञ भन्नेले होइन भनेर एमसीसीको बचाउन गर्नु हाँस्यास्पद भएको उनको भनाइ छ ।

उनले आफूले एमसीसीबारे सबै प्रावधान पढेकाले नेपालीलाई मुर्ख बनाउन काम नगर्न सुझाव दिए । पाँचतारे होटलमा एमसीसी परियोजनाको कार्यालय रहेको भन्दै उक्त कार्यालयमा नेपालीको कर खर्च गरिएको उनले आरोप लगाए ।

उनले तत्कालीन अर्थमन्त्री ज्ञानेन्द्र बहादुर कार्कीले परियोजनाका कर्मचारीसँग सम्झौता गरेर त्यहिबेलादेखि नै असमान सम्झौता भएको पुष्टि भएको बताएका हुन् ।

रावलले एमसीसीको प्रस्तावता र बिभिन्न धारा तथा सम्झौतामा उल्लेख बुँदाहरु सार्वभौमिक समानताको सिद्धान्तविपरीत रहेको तर्क गरे ।