नेपाल सहित १० मुलुक कोभिडको उच्च जोखिमको सूचिमा, कतारद्दारा नयाँ सूचि सार्वजनिक

हाम्रो सन्देश संवाददाता

काठमाडौं, २९ कात्तिक ।

कतारले नेपाल सहित १० मुलुकलाई कोभिड-१९ को उच्च जोखिम सूचिमा राखेको छ । कतारको स्वास्थ्य मन्त्रालयको पछिल्लो मापदण्ड अनुसार नेपाल सो सूचिमा परेको हो ।

द पेनन्सुला कतारका अनुसार आगामी सोमवार (नोभेम्वर १५) देखि लागु हुनेगरी स्वास्थ्य मन्त्रालयले नयाँ सूचि सार्वजनिक गरेको हो । सो सूचि अनुसार नेपाल, बंगलादेश, ईजिप्ट, भारत, ईण्डोनेशिया, पाकिस्तान, फिलिपिन्स, श्रीलंका, सुडान तथा दक्षिण सुडान एउटै सूचिमा परेका छन् ।

नयाँ सूचि अनुसार १ सय ८१ मुलुकहरु हरियो सूचिमा परेका छन् । हरियो सूचिमा रहेका मुलुकहरुबाट कतार आउने नागरिकहरुलाई सहज हुन्छ । यसैगरी २१ मुलुक भनें रातो सूचिमा परेका छन् । रातो सूचिबाट आउनेहरुले भनें क्वारेण्टीन लगायतको बढी प्रकृया पुरा गर्नुपर्दछ ।

बहराइन जान सहज हुँदै, रातो सूचिबाट हट्दै नेपाल

बहराइनले कोरोना महामारीको रोकथामको लागि जारी गरेको अन्तराष्ट्रिय यात्रा सम्बन्धि कडाई अन्तर्गत नेपाललाई राति सूचीबाट आइतबार रातिदेखि हटाउने निर्णय गरेको छ ।

बहराइनले नेपाललाई रातो सूचीबाट हटाउने निर्णय गरेसँगै विश्व स्वास्थ्य संगठनद्वारा मान्यता प्राप्त खोपको दुबै डोज लगाईसकेकाहरुलाई बहराइन प्रवेश पश्चात १० दिन अनिवार्य क्वारेन्टाइन गर्नुपर्ने प्रावधान हटेको छ । यात्रुहरुले क्युआर कोड सहितको अंग्रेजी भाषामा जारी खोप प्रमाणपत्र अनिवार्य साथमा राख्नुपर्ने छ ।
खोप नलगाएका तथा खोपको मात्रा पुरा नगरेकाहरुले भने आफू बस्ने निवास वा बहराईनको स्वास्थ्य मन्त्रालयद्वारा निर्धारित स्थानमा क्वारेन्टिन गर्नुपर्ने बहराइनका सम्बन्धित निकायले जानकारी दिएका छन् ।