रोम, १८ असोज ।
उत्तरी इटालीमा एउटा निजी विमान दुर्घटना हुँदा विमानमा सवार सबैको मृत्यु भएको छ । सारडिनिया टापुका लागि मिलानको लिनाटे विमानस्थलबाट उडेको विमान केही मिनेटमै एउटा कार्यलयको रित्तो भवनमा जोतिएको थियो ।
रोमानियाका धनाढ्य दान पेट्रेस्कुले विमान चलाएका थिए । दुर्घटनामा ६८ वर्षीय पेट्रेस्कुसहित उनकी पत्नी, छोरा र परिवारका अन्य सदस्यको मृत्यु भएको जनाइएको छ ।
दुर्घटनापछि कार्यलय र पार्किङ गरेर राखेका ट्याक्सी जलेका थिए । विमान भवनमा ठोकिनुअगाडि नै आगो लागेको केही साक्षीले बताएका छन् । ‘विमान ठूलो आवाजसहित भवनमा ठोकिएको थियो,’ एक स्थानीयले भने ।
अस्कर अवार्डका लागि आवेदन खुल्यो, नेपाली फिल्म सहभागी गराउन आह्वान
अन्तराष्ट्रिय फिचर चलचित्र छनोट समिति (नेपाल)ले ९४औँ अस्कर अवार्डस्मा नेपाली फिल्म सहभागी गराउन निर्माता,निर्देशकलाई आह्वान गरेको छ ।
चलचित्र विकास बोर्ड अन्तर्गतको समितिले सोमबार एक विबिज्ञप्ती जारी गरी सन् २०२२ को अस्कर अवार्डसमा सहभागी हुन आवेदन खुला गरेको हो ।
द एकेडेमी अफ मोसन पिक्चर आर्टस् एन्ड साइन्सेसले २२ मार्च २०२२ मा अमेरिकाको लस् एन्जेल्सस्थित डल्बी थिएटरमा द अस्कर अवार्डस् आयोजना गर्दैछ । प्रतिस्पर्धा गर्न इच्छुक नेपाली फिल्मका निर्माता,निर्देशकले आफ्नो फिल्म १९ असोजदेखि २ कात्तिकभित्र अस्कर कमिटी नेपाललाई बुझाउनु पर्नेछ ।
अघिल्ला वर्षमा अस्करमा भाग लिन कुनै पनि फिल्म एक सातासम्म सिनेमा घरमा प्रदर्शन भएकै हुनुपर्ने नियम थियो । तर, विश्वव्यापी कोरोना महामारीका कारण अस्करले दुई वर्ष यता नियममा केही परिवर्तन गरेको छ । जसअनुसार अघिल्लो वर्षमा झै यसपाली पनि फिल्म प्रदर्शनको मिति तोकेर महामारीका कारण हलमा प्रदर्शन हुन नसकेका फिल्मले पनि अस्करमा प्रतिस्पर्धा गर्न पाउने छन् ।
यसका लागि सरकारबाट मान्यता प्राप्त सिनेमा हलबाट फिल्म प्रदर्शन रोकिएको प्रमाणित पत्र बुझाउनु पर्ने प्रावधान राखिएको छ । अनलाइन प्लेटफर्म वा साइटमा प्रदर्शन भएका फिल्मले पनि अस्करमा प्रतिस्पर्धा गर्न पाउने छन् ।