कोभिड परीक्षणपछि बैंककमा पूर्वमन्त्री पुनको उपचार सुरु

हाम्रो सन्देश संवाददाता

काठमाडौं, १६ असोज ।

माओवादी केन्द्रका तथा पूर्वमन्त्री वर्षमान पुनको थाइल्याण्डको बैंककमा उपचार सुरु भएको छ । पुनको आज बिहानैबाट बैंककस्थित बुम्रुङगार्ड अस्पतालमा उपचार सुरु भएको हो ।

बुधबार अपरान्ह बैंकक पुगेर पुन अस्पताल भर्ना हुनुभएको थियो । पुनको सचिवालयका अनुसार उपचार सुरु गर्नुअघि उहाँको कोभिड परीक्षण गरिएको छ । कोभिड–१९ परीक्षणमा नेगेटिभ रिपोर्ट आएपछि ण्डिसको उपचार सुरु गरिएको छ।

पुनको यसअघि पनि सोही अस्पतालमा करिब एक महिना भर्ना गरेर उपचार गरिएको थियो ।

वान्ता आउने, ज्वरो लगायतमा समस्या देखिएपछि पुन ललितपुरस्थित सुमेरु अस्प्तालमा उपचार भर्ना हुनुभएको थियो । थप उपचारका लागि बुधबार बिहान बैंकक जानु भएको हो । पूर्वमन्त्री पुनसँग उहाँकी पत्नी तथा पूर्वसभामुख ओनसरी घर्तीसमेत बैंकक गएको छ ।