गायिका ईन्दिरा जोशीले गरिन् ‘इन्गेजमेन्ट’ (फोटो फिचर)

हाम्रो सन्देश संवाददाता

काठमाडौं ।

गायिका इन्दिरा जोशीले हिमाली क्षेत्रमा पुगेर रोमान्टिक ढंगले इन्गेजमेन्ट गरेकी छन् ।

इन्दिराले सगरमाथा हिमाली क्षेत्र पाङबोचे पुगेर फेशन डिजाइनर शरद केडियासँग इन्गेजमेन्ट गरेकी हुन्। इन्गेजमेन्टपछि इन्दिराले आफूलाई शरदले औठि लगाइदिएको फोटो सामाजिक सञ्जालमा पोस्ट गरेकी छिन्। उसले सोध्यो ‘तिमी मसँग विहे गर्छौ ? मैले भने ,’यस’ उनले फेसबुकमा स्ट्याटस सहित फोटो शेयर गर्दै लेखेकी छन् ‘आई लभ यु शरद ।’

तस्बिरमा शरदले औंठी पहिराइदिदा इन्दिरा रमाएको देखिन्छिन्। इन्दिराले आफू प्रेम सम्बन्धमा रहेको बताउने गरे पनि प्रेमीको नाम भने खुलाएकी थिइनन् ।

गायिका इन्दिरा जोशीले प्रेमी शरद केडियासँग इन्गेजमेन्ट गरेकी छिन्। बिहीबार खुम्बु पुगेर उनीहरुले इन्गेजमेन्ट गरेका हुन्।

बिहीबारदेखि सुरु भएको माउन्ट एभरेस्ट फेसन रनवेमा भाग लिन खुम्बु पुगेकी उनले फेशन डिजाइनर शरद केडियासँग इन्गेजमेन्ट गरेकी हुन्।

हेलिकप्टरमा खुम्बु पुगेका उनीहरूले उत्रिनेबित्तिकै इन्गेजमेन्ट गरेका थिए। खुम्बु पुगेपछि शरदले प्रपोज गरेको बताइन्। उनले भनिन्, ‘हिमालमा पुगेपछि उहाँले मलाई प्रपोज गर्नुभयो। मैले हुन्छ भनिदिएँ।’

हेलिकप्टरको पाइलटले शरदले प्रपोज गरिरहेको भिडियो खिचेर हालिदिएको उनले बताइन्। हेलिकप्टरको क्याप्टेनले भिडियो हालेको आफूले आज बिहान मात्रै थाहा पाएको इन्दिराको भनाइ छ। ‘हिजै बेलुका उनले भिडियो हालेका रहेछन्,’ उनले भनिन्, ‘मैले पनि बिहान थाहा पाएँ। भाइरल भइसकेको रहेछ।’

इन्दिरा र शरद लामो समयदेखि प्रेम सम्बन्धमा थिए। सार्वजनिक रुपमा इन्दिराले आफू प्रेममा भएको बताए पनि कोसँग भन्ने खुलाएकी थिइनन्।