मलेसियामा कोरोनाले मंगलबार एकैदिनमा तीनजना नेपाली श्रमिकको मृत्यु ?

हाम्रो सन्देश संवाददाता

क्वालालम्पुर, २३ भदौं ।

कोरोना संक्रमणको कारण वैदेशिक रोजगारीको निम्ति मलेसियामा कार्यरत नेपाली श्रमिकहरुको मृत्यु हुने सङ्ख्या बढ्दो क्रममा रहेको छ।

हिजो मिति सन् २०२१ सेप्टेम्बर ७ तारिख मंगलबारको एकै दिनमा कोरोनाले मलेसियामा तीन जना नेपाली श्रमिकको मृत्यु भएको हो।

मंगलबार कोरोना सक्रमणले मृत्यु हुनेमा धनुषा जिल्लाको जनकपुर १२ जनकपुरधाम घर भई मलेसियामा कार्यरत शत्रुधन साहु कलवारको ४८ वर्षको उमेरमा मंगलवार विहान मृत्यु भएको हो।

मलेसियाको कुम्पुलान जेविको एम एसडिएन विएचडिमा कार्यरत रहेका कलवारको सुगाईवुलो अस्पतालमा उपचारको क्रममा मृत्यु भएको हो । कलवार पाँच वर्ष अगाडि रोजगारीको लागि मलेसिया आएका थिए।

त्यस्तै हिजो मंगलबारनै कोरोना सक्रमणवाट अछाम जिल्लाका बाब्ला – ३ विष्टगाउँ घर भई मलेसिया प्राईम प्याकेजिक इष्डटिज शाहआलममा कार्यरत ३८ वर्षिय छत्र वहादुर विष्टको मृत्यु भएको हो ।

बिष्ट पाँच बर्षदेखि मलेसियाको कम्पनीमा कार्यरत रहेका थिए। मंगलबार अस्पतालमा उपचाररत रहेका बिष्टको उपचारकै क्रममा मृत्यु भएको हो।

त्यस्तै हिजै मंगलबारको दिन इम्पेन मुरानी इण्टरप्राईजेज अन्तरगर्त क्वालालम्पुरको भिषा भएपनी पेनामाङ रहेको एक ह्विम पाईप निमार्ण हुने कम्पनीमा काम गर्दै आएका ४६ वर्षिय नेपाली श्रमिक विनोद सिंहको कोरोना भाइरस (कोभिड-१९) को सक्रमणवाट मंगलवार विहान मृत्यु भएको हो।

गएको सेक्टेम्वर एक तारिखदेखि कोरोना सक्रमित भएका सिंह अन्य साथीहरुसंगै होम क्वारेन्टाईनमा वस्दै आएका थिए। मंगलवार बिहान करिबकरिब १०:०० बजेतिर मृत्यु भएको जनाइएको हो।