ग्यास्ट्रिक हरण चुर्णको बट्टामा गाँजा बोकेर कतार उड्न लागेका व्यक्ति विमानस्थलमा पक्राउ

हाम्रो सन्देश संवाददाता

काठमाडौँ, ९ भदौ ।
कतार उड्न लागेका एक व्यक्तिलाई लागुऔषध नियन्त्रण ब्युरोले विमानस्थलबाट पक्राउ गरेको छ। कतार एयरवेजबाट मंगलबार बिहान साढे १० बजे दोहा जान लागेका चितवन खैरेनीका २७ वर्षीय राज पाडकलाई ८ सय गाम गाँजासहति पक्राउ गरिएको लागुऔषध नियन्त्रण ब्युरोले जनाएको छ। उनको लगेजबाट गाँजा बरामद गरिएको हो।

उनको लगेजभित्र ग्याष्ट्रिक हरण चूर्ण, सगरमाथा आयुर्वेदिक औषधी उद्योग गोकर्णेश्‍वर १, काठमाडौं लेखिएको सिल गरेको बट्टाभित्र गाँजा लुकाई लैजान लागेको अवस्थामा फेला पारिएको प्रहरीले जनाएको छ। लागुऔषध नियन्त्रण ब्युरोका एसपी जीवन श्रेष्ठका अनुसार पाडक वैदेशिक रोजगारी लागि कतार जान लागेका थिए। विमानस्थलको एक्सरेमा जाँचका क्रममा सो गाँजा बरामद भएको उनले बताए।

उनलाई नियन्त्रणमा लिई आवश्यक अनुसन्धान एवं कारबाहीको लागि लागुऔषध नियन्त्रण ब्युरोले विमानस्थल प्रहरीलाई बुझाइएको छ।