प्रचण्डको तनाव हट्यो, यस्तो छ माओवादीबाट मन्त्री बन्नेको लिष्ट ! (नामावलीसहित)

हाम्रो सन्देश संवाददाता

काठमाडौं, ७ भदाै ।

केही दिन अघि सबैलाई मन्त्री चाहिएपछि तनावमा रहेको बताएका नेकपा माओवादी केन्द्रका अध्यक्ष पुष्पकमल दाहाल प्रचण्डको तनाव हट्ने संकेत देखिएको छ । सोे पार्टीबाट मन्त्री बन्नेको अन्तिम टुंगो लागिसकेको स्रोत बताउछ ।

शेरबहादुर देउवा नेतृत्वको सरकारमा माओवादी केन्द्रले सात वटा मन्त्रालय पाउन लगभग सहमति भएको छ । सातमध्ये दुई मन्त्री नियुक्त भैसकेका छन् । जनार्दन शर्माले अर्थ र पम्फा भुषालले उर्जा, जलश्रोत तथा सिंचाई मन्त्रालयको जिम्मेवारी सम्हालिरहेका छन् । अब बाँकी रहेका पाँच मन्त्रालयमा पठाउन मन्त्री छान्न माओवादी केन्द्रलाई मुस्किल छ ।

यद्यपी शिर्ष नेतृत्व तहमा भने ककसलाई मन्त्री बनाउने भन्नेबारे लगभग सहमति भैसकेको छ । उप प्रधानमन्त्री पाएमा नारायणकाजी श्रेष्ठ मन्त्री बन्नेछन्, त्यो सम्भव नभएमा उनको कोटाबाट अञ्जना बिशंखेलाई मन्त्री बनाउने तयारी छ ।

बागलुङका देवेन्द्र पौडेल मन्त्री बन्ने लगगभ निश्चित जस्तै भएको बताइन्छ । त्यस बाहेक प्रदेश १ बाट सुदन किराती र र सुरेश राई (हिमाल) मध्ये एक जना मन्त्री बन्नेछन् ।

बागमति प्रदेशबाट भने हितमान तामाङको नाममा अगाडी छ । दुई नम्बर प्रदेशबाट फेरी पनि मात्रृका यादव मन्त्री बन्न सक्ने श्रोत बताउँछ । त्यसो त प्रचण्डकी बुहारी बिना मगरलाई पुनः मन्त्री बनाउने चर्चा पनि चलेकै छ ।