मन्त्रालय बाँडफाँड गर्न सत्ता गठबन्धनको बैठक बालुवाटारमा बस्दै

हाम्रो सन्देश संवाददाता

काठमाडौं, १४ साउन ।

सत्ता गठबन्धनको बैठक आज पनि बस्ने भएको छ। बैठक बिहान ८ः३० बजे प्रधानमन्त्रीको सरकारी निवास बालुवाटारमा बस्ने भएकाे छ ।

बैठकमा मन्त्रिपरिषद विस्तारका साथै सरकारका कामकारकाबाहीका विषयमा छलफल हुने बताइएकाे छ। कुन पार्टीले कति र कुन-कुन मन्त्रालय र को मन्त्री भन्नेबारे छलफल हुने भन्नेबारेमा छलफल हुने स्रोतले बताएकाे छ।

गठबन्धनका नेताहरूले बुधबार पनि छलफल गरेका थिए। मन्त्रिपरिषदलाई छिट्टै पूर्णता दिने र गठबन्धनबाट सरकारका न्युनतम साझा कार्यक्रम ल्याउनेजस्ता विषयमा छलफल भएको थियो।

हाल सरकारमा कांग्रेस र माओवादी केन्द्रका दुई–दुई जना मन्त्री र एक जना राज्यमन्त्री मात्र छन् । अब जसपालाई पनि समेटर मन्त्रिपरिषद विस्तार गर्ने प्रधानमन्त्रीको तयारी छ ।