प्यूठानमा मध्यराति घर भत्कँदा बाबुआमा र छोराको मृत्यु, चार छोरी भने सकुशल भेटिए

हाम्रो सन्देश संवाददाता

प्यूठान, ९ जेठ ।

प्यूठानको नौ बहिनी गाउँपालिका–१ स्याउँ लिवाङ चौतारामा शनिबार राति घर भत्किँदा एकै घरका तीन जनाको मृत्यु भएको छ ।

जिल्ला प्रहरी कार्यालयका अनुसार मृत्यु हुनेमा ४० वर्षीय बोम बहादुर मल्ल, उनकी ३३ वर्षीया श्रीमती गमी मल्ल र ३ वर्षीय छोरा शिशीर मल्ल छन् । बोमबहादुरका अन्य चार छोरीहरु भने सकुुशल छन् । उनीहरु अर्काे कोठामा सुतेकाले सकुशल भएको प्रहरीले जनाएको छ । खरको छाना हटाएर जस्तापाता लगाउन तयार पारिएको घर भत्किएको प्रहरीले जनाएको छ ।

प्रधानमन्त्री ओलीमाथि खनिए घनश्याम, छक्कापञ्जा तरिकाले समस्याको समाधान नहुने दाबी

नेकपा (एमाले) का नेता घनश्याम भुषालले सत्ताधारी वर्गले आफ्नो ऐतिहासिक वैद्यता गुमाउँदै गएपछि नागरिकहरुलाई भ्रमित पारेर समाजमा नक्कली वैद्यता सिर्जना गर्न प्रयत्न गर्ने टिप्पणी गरेका छन् । तर, त्यसको परीणाम भने विपरित हुने उनको भनाई छ । सामाजिक सञ्जाल फेशबुमार्फत उनले सत्ताधारीले जति जति चर्तिकला देखाउँदै जान्छ क्रान्तिले वैद्यता पाउँदै जाने पनि दाबी गरेका छन् ।

उनले लेखेका छन्-सत्ताधारी वर्गले आफ्नो ऐतिहासिक वैधता गुमाउँदै गएपछि नागरिकलाई भ्रमित पारेर, उनीहरुको पङ्तिमा विभाजन देखाएर, कसैलाई तर्साएर र अरुलाई किनेर, कतिलाई मानपदवी दिएर, कैयनलाई बदनाम गरेर समाजमा नक्कली वैधता सिर्जना गर्न अनेक प्रयत्न गर्छ । वास्तवमा परिणाम विपरित हुन्छ । उसले जति जति त्यस्तो चर्तिकला देखाउँदै जान्छ क्रान्तिले वैधता पाउँदै जान्छ ।

सत्ताले समस्या व्यक्तिमा देख्छ र साम, दान, दण्ड, भेदजस्ता समाधानका उपायहरु अपनाउँछ । यसबारे माक्र्सको निष्कर्ष के छ भने समस्या केवल व्यक्ति वा व्यक्तिहरुको होइन बरु त्यस्ता व्यक्ति जन्मिने वस्तुगत अवस्थाको हो । अथवा यसरी भनौँ – राजनीतिक समस्याको समाधान अराजनीतिक छक्कापञ्जाले गथ्र्यो भने आजका विश्व विद्यालयहरुमा मुख्यरुपले छक्कापञ्जाशास्त्र कै पढाई हुन्थ्यो ।