झाँक्रिको आक्रोश : प्रभु (भारत)को ईशारामा यो सबै हुँदैछ

हाम्रो सन्देश संवाददाता

काठमाडौं, ३० बैसाख ।

नेकपा एमालेकी सांसद तथा नेतृ रामकुमारी झाँक्रिले पार्टी अध्यक्ष केपी शर्मा ओली र वरिष्ठ नेता माधवकुमार नेपालबीचको वार्तालाई लक्षित गर्दै ठोस प्रस्ताव र लिखित सहमति बिना अलमलमा पर्न नहुने बताएकी छिन्।

सामाजिक सञ्जाल फेसबुकमार्फत उनले संसद विघटन गरेको सहि थियो र छ भन्ने प्रमाणित गर्न प्रभुको ईशारमा यो सबै भइरहेको बताएकी छिन्।

‘ठोस प्रस्ताव र लिखित सहमति बिना अलमलमा पर्नुहुन्न। आफूले संसद विघटन गरेको सहि थियो र छ भन्ने प्रमाणित गर्न प्रभुको ईशारमा यो सबै हुदैछ,’ उनले लेखेकी छिन्, ‘ठोस प्रस्ताव विनाको संवादको अर्थ छैन।’

उनले जनता, लोकतन्त्र र संविधानको रक्षाको लागि आफूहरुसँग एउटै विकल्प विद्रोह रहेको पनि औंल्याएकी छिन्। सांसद झाँक्रिले आफूहरुको आत्मसमर्पणले कम्युनिष्ट आन्दोलनको विसर्जन गर्ने जनाउँदै सचेत बन्न आग्रह गरेकी छिन्।

ठोस प्रस्ताव र लिखित सहमति बिना अलमलमा पर्नुहुन्न। आफूले संसद विघटन गरेको सहि थियो र छ भन्ने प्रमाणित गर्न प्रभुको…

Posted by Ramkumari Jhakri on Thursday, May 13, 2021

थप माग पूरा नभए ४ बजे राजीनामा गर्ने माधव नेपाल पक्षको चेतावनी

नेकपा एमालेको माधव नेपाल–झलनाथ खनाल पक्षले आफ्ना माग पूरा गर्न अध्यक्ष तथा प्रधानमन्त्री केपी शर्मा ओलीलाई बिहीवार दिउँसो ४ बजेसम्मको अल्टिमेटम दिएको छ ।

स्थायी कमिटी बैठकले माधवकुमार नेपालसहित ४ जना नेताको कारबाही फुकुवा गरे पनि पार्टीलाई २०७५ सालको जेठ २ गतेकै अवस्थामा फर्काउनुपर्ने नेपाल पक्षीय नेताहरूको माग छ । कारबाही फुकुवाले मात्रै समस्या समाधान नहुने भएकाले नयाँ गठन गरिएका कमिटी र खोसिएका जिम्मेवारी पुरानै अवस्थामा रहने ग्यारेन्टीको माग गरिएको नेता भीम रावलले जानकारी दिनुभयो ।

माधव नेपाल पक्षका सांसदले राजीनामा दिएर कांग्रेस नेतृत्वको सरकारलाई सघाउने चर्चा चलिरहेकाले बैठकले कारबाही फिर्ताको निर्णय गरेको हो ।

४ बजेसम्म माग पूरा नभए राजीनामा दिने रावलको चेतावनी छ ।

[तपाईसँग वा तपाईको वरिपरी पनि कुनै प्रतिभा, रचना र विकृति विसङ्गतीका घटना छन् भने हामीलाई [email protected] मा ईमेल गर्नुहोस् अथवा ९८१३८८१३८८ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौँ । धन्यवाद ।।]