प्रधानमन्त्री कार्यालयबाटै पास दुरुपयोग

हाम्रो सन्देश संवाददाता

काठमाडौं, २२ बैशाख ।

तीन वटै जिल्ला प्रशासनले काठमाडौं उपत्यकामा पाँच दिनदेखि जारी निषेधाज्ञालाई थप कडा बनाउने,अनावश्यक पास वितरण नगर्ने र अत्यावश्यक काममा मात्र सवारी साधन प्रयोग गर्न आग्रह गरिरहँदा प्रधानमन्त्री तथा मन्त्रिपरिषद्को कार्यालयबाट छुट्टै सवारी पास वितरण गरिएको पाइएको छ ।

प्रधानमन्त्रीका विशेष आर्थिक सल्लाहकार मोतिलाल दुगडका भान्छे विजय लोहियाको नाममा बा १६ च ४६५४ नम्बरको निजी गाडीलाई निषेधाज्ञा अवधिभर गुडाउन पाइने गरी पास वितरण गरिएको भेटिएको हो ।

मन्त्रिपरिषद् कार्यालयका सहसचिव बुद्धबहादुर गुरूङको हस्ताक्षर रहेको सवारी पासले गम्भिर प्रश्न उब्जाएको छ । निषेधाज्ञा जारीको अधिकार स्थानीय प्रशासनलाई भएकाले सोसम्बन्धी सम्पूर्ण शर्त र व्यवस्था पनि उसैको हो ।

तर,राज्यको उपल्लो तहमा रहेकाहरूले आफ्ना सहयोगी, हुक्के र बैठकेको नाममा बाँडेको सवारी पास र उनीहरूले गुडाएको सवारी साधनले निषेधाज्ञामा पनि राजधानीको सडकमा अस्वाभाविक भीड बढाएको पाइएको छ । जन आस्था

[तपाईसँग वा तपाईको वरिपरी पनि कुनै प्रतिभा, रचना र विकृति विसङ्गतीका घटना छन् भने हामीलाई [email protected] मा ईमेल गर्नुहोस् अथवा ९८१३८८१३८८ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौँ । धन्यवाद ।।]