फेरि बढ्यो सुनको मूल्य, कतिमा हुँदैछ कारोबार

हाम्रो सन्देश संवाददाता

काठमाडौं, २१ बैशाख ।

गत सोमबार ९० हजार ४०० रुपैयाँमा कारोबार भएको सुनको मूल्यमा थप २०० रुपैयाँ वृद्धि भएको छ ।

नेपाल सुनचाँदी व्यवसायी महासंघका अनुसार मंगलबार सुनको मूल्य प्रति तोला ९० हजार ६०० रुपैयाँ कामय भएको छ । त्यस्तै, तेजाबी सुनको मूल्य आज ९० हजार १०० रुपैयाँ कायम भएको छ ।

महासंघका अनुसार यता चाँदीको मूल्य भने मंगलबार प्रति तोला २५ रुपैयाँले वृद्धि हुँदै एक हजार ३२५ रुपैयाँ कायम भएको छ ।

सीईडीबीको आईपीओमा आवेदन दिने आज अन्तिम दिन, अहिलेसम्म कति पर्यो आवेदन ?

सीईडीबी हाइड्रोपावर डेभलपमेन्ट कम्पनी लिमिटेडले निष्कासन गरेको आईपीओमा सोमबार साँझसम्म मागभन्दा ९.८ गुणा बढी खरिद आवेदन परेको छ।

कम्पनीले १०० रुपैयाँ अंकित दरका कुल २५ लाख १८ हजार २३० कित्ता आईपीओ निष्कासन गरेको छ। यो कुल २५ करोड १८ लाख २३ हजार रुपैयाँबराबरको रहेको हो।

आईपीओको कुल कित्तामध्ये २ प्रतिशतले हुन आउने ५० हजार ३६५ कित्ता सेयर कर्मचारीका लागि सुरक्षित गरिएको छ भने ५ प्रतिशतले हुन आउने १ लाख २५ हजार ९११ कित्ता सेयर सामूहिक लगानी कोषका लागि छुट्याइएको छ। बाँकी २३ लाख ४१ हजार ९५४ कित्तामा सर्वसाधारणले आवेदन दिन सक्नेछन्।

सीडीएससीका अनुसार सोमबार साँझ सवा ५ बजेसम्म यो कम्पनीको आईपीओमा १५ लाख ३६४ आवेदकबाट कुल २ करोड ३० लाख ७३ हजार २०० कित्ता खरिदका लागि आवेदन परेको छ। जुन मागभन्दा ९.८ गुणाले बढी आवेदन हो।

सीईडीबी हाइड्रोपावरको आईपीओमा आवेदन दिने भोलि वैशाख २१ गते अन्तिम दिन रहेको छ। लगानीकर्ताले न्यूनतम १० कित्ता र अधिकतममा २५ लाख १८ हजार २३० कित्ताका लागि आवेदन दिन सक्नेछन्। यो आईपीओमा सर्वसाधारणले नेपाल धितोपत्रबाट स्वीकृति प्राप्त गरेका सम्पूर्ण सि–आस्बा सदस्य बैंक तथा वित्तीय संस्थाहरु र तिनका तोकिएका शाखाहरुबाट आवेदन दिन सकिनेछ।
धितोपत्र बिक्री प्रबन्धकमा भने सनराइज क्यापिटल लिमिटेड रहेको छ।

यो आईपीओ कम्पनीको चुक्तापुँजीको ३० प्रतिशतबराबरको हुन आउँछन्। आईपीओ बिक्रीपछि कम्पनीको चुक्तापुँजी ८३ करोड ९४ लाख रुपैयाँ बढी पुग्नेछ।

[तपाईसँग वा तपाईको वरिपरी पनि कुनै प्रतिभा, रचना र विकृति विसङ्गतीका घटना छन् भने हामीलाई [email protected] मा ईमेल गर्नुहोस् अथवा ९८१३८८१३८८ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौँ । धन्यवाद ।।]