झण्डै डेढ केजी सुनसहित विमानस्थलबाट पाँचजना पक्राउ

हाम्रो सन्देश संवाददाता

काठमाडौं, २० बैशाख ।

अवैध रुपमा ल्याइएको १४ सय ग्राम (१ केजी ४०० ग्राम) सुनसहित त्रिभुवन अन्तर्राष्ट्रिय विमानस्थलबाट पाँचजना पक्राउ परेका छन् ।

महानगरीय अपराध महाशाखा र विमानस्थल भन्सार कार्यालयको संयुक्त टोलीले उनीहरूलाई सोमबार पक्राउ गरेको हो ।

प्रहरीका अनुसार पक्राउ पर्नेहरूमा गुल्मीका जनक खड्का, प्यूठानका यमलाल खनाल, कास्कीका राजु विक, नुवाकोटका धनबहादुर तामाङ र सुमित तामाङ रहेका छन् ।

उनीहरूले साउन्ड बक्सहरूमा सुन राखेर विभिन्न फ्लाइटहरूबाट नेपाल भित्र्याउन खोजेको अवस्थामा पक्राउ गरिएको प्रहरीले जनाएको छ । पक्राउ परेकाहरू भरिया मात्र रहेको र यो विषयमा थप अनुसन्धान भइरहेको प्रहरीले जनाएको छ ।

मृतकको संख्या बढेसँगै पशुपति आर्यघाटमा दाहसंस्कारमा समस्या

कोरोना महामारीका कारण ज्यान गुमाउनेको संख्या बढ्दै गएपछि पशुपति आर्यघाटमा दाहसंस्कार गर्न कठिनाई भएको छ ।

काठमाडौँ उपत्यकामा कोरोनाबाट ज्यान गुमाएकाहरुको अन्तिम संस्कार यसअघि पशुपतिस्थित विद्युतीय शवदाह गृहमा हुँदै आएको थियो ।

तर मृत्यु हुनेको संख्या बढेसँगै विद्युतीय शवदाह गृहभन्दा बाहिर पनि शव जलाउन थालिएको छ ।

सेनाले वाग्मती किनारमा नै शव व्यवस्थापन गर्न सुरु गरेको हो । शव व्यवस्थापनका लागि सेनाले वाग्मती किनारमा सम्याउने काम गरेको छ । कोरोनाबाट मृत्यु भएकाहरुको अन्त्येष्टि नेपाली सेनाको टोलीले गर्दै आएको छ ।

[तपाईसँग वा तपाईको वरिपरी पनि कुनै प्रतिभा, रचना र विकृति विसङ्गतीका घटना छन् भने हामीलाई [email protected] मा ईमेल गर्नुहोस् अथवा ९८१३८८१३८८ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौँ । धन्यवाद ।।]