ओली समर्थक अखिल विद्यार्थीहरुबीच हानाहान

हाम्रो सन्देश संवाददाता

काठमाडौं, १५ वैशाख ।

सत्तारुढ एमालेको दुई खेमामा बाँडिएका विद्यार्थी समूहबीच हानाहान भएको छ ।

हिजो पोखराको पृथ्वीनारायण क्याम्पसमा वरिष्ठ नेता माधव नेपाल र अध्यक्ष तथा प्रधानमन्त्री केपी शर्मा ओली समर्थक अखिल विद्यार्थीहरुबीच रणसंग्राम मच्चिएको बताइन्छ ।

तर, विद्यार्थी स्रोतका अनुसार बीएस्सी सीएसआईटीका विद्यार्थीहरुले केही माग राखेपछि त्यसको विरुद्ध अर्को पक्षका विद्यार्थी क्याम्पस प्रशासनको आडमा रड र हेलमेट प्रयोग गरेर हिंसामा उत्रिएका हुन् ।

भीडन्त निकै बेर भए पनि घाइतेबारे केही बताइएको छैन ।

अस्पतालदेखि मसानघाटसम्म लाइनः परीक्षण, उपचार हुँदै मृत्युसम्म उस्तै

देश यी दिनहरुमा लाइनमा उभिएको छ । कोरोनाको दोस्रो लहरले यस्तो हालत बनाइदिएको हो । रुघाखोकी, ज्वरो र चिसो भयो भने परीक्षणको लाइन । यदि रिपोर्ट पोजेटिभ आयो भने अस्पतालबाहिर उपचारको लागि लाइन । यदि भाग्यले बेड मिल्यो भने अक्सिजनका लागि लाइन । स्वास्थ्य बिग्रियो भने रेमडेसिविरका लागि लाइन, अझ धेरै अवस्था बिग्रियो भने भेन्टिलेटरका लागि लाइन् । अन्ततः ज्यान गयो भने अन्तिम संस्कारको लागि मसानघातमा पनि लाइन ।

कुनै एक राज्य, शहर वा अस्पताल मात्र होइन, मानिसहरुले यसप्रकारको कठिनाई व्यहोरिरहेको । मध्यप्रदेश, राजस्थान, गुजरात, बिहार, महाराष्ट्र, दिल्ली होस् वा अरु कुनै साना ठूला राज्यहरु । हरेक ठाउँमा जिउँदा वा मृत मानिसहरुको एउटै ठाउँ छ- त्यो हो लाइनदेखि लाइनसम्म ।

यो फोटो लखनऊको लोहिया अस्पतालको हो । यहाँ मानिस आफ्नो परीक्षण गराउन आएका छन् । यहाँ कोरोनाबाट जुधिरहेका मानिसहरु सुरुवाती क्रममा छन् । यहाँ असफल हुँदा समस्याको लामो लाइन सुरु हुन्छ । भारतमा अहिलेसम्म करबि १४ करोड परीक्षण भइसकेको छ । यो संख्या महाराष्ट्रको पूरै जनसंख्या भन्दा दुई करोड बढी हो ।

गुजरातको अहमदाबादमा सोमबार एक अस्पतालको बाहिर एम्बुलेन्सको लाइन लागिरहेको देखिन्छ । यीमध्ये कोरोना संक्रमित बिरामी भर्ना हुन प्रतिक्षा गरिरहेका छन् । अस्पताल भित्रबाट खबर आएमा उनीहरुले बेड पाउँछन् । कयौं शहरमा अवस्था यस्तो छ कि बिरामीलाई उनका आफन्तहरुले एम्बुलेन्समा राखेर घुमिरहेका हुन्छन् तर अस्पताल खाली छैन ।

[तपाईसँग वा तपाईको वरिपरी पनि कुनै प्रतिभा, रचना र विकृति विसङ्गतीका घटना छन् भने हामीलाई [email protected] मा ईमेल गर्नुहोस् अथवा ९८१३८८१३८८ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौँ । धन्यवाद ।।]