जन्मदिमै मदनकृष्णको परिवारलाई कोरोना

हाम्रो सन्देश संवाददाता

काठमाडौं, ७ बैसाख ।

वरिष्ठ हास्य कलाकार मदनकृष्ण श्रेष्ठको सपरिवारमा कोरोना संक्रमण देखिएको छ ।

हिजाे परेको आफ्नो जन्मदिनमा शुभकामना व्यक्त गर्ने सबैलाई धन्यवाद व्यक्त गर्दै श्रेष्ठले आफू, छोरा,छोरी,बुहारी र नातिनीलाई कोरोना संक्रमण पुष्टि भएको जानकारी गराएका हुन् ।

सामाजिक सञ्जालमार्फत् श्रेष्ठले भनेका छन् ‘पाँचै जनालाई कोरोना पोजिटिभ देखिएको छ । भइसकेपछि सास्तीचाँहि हुने रहेछ । त्यसैले यो भाइरसलाई खेलाँची नगर्नुहोला । जति सकिन्छ कोरोनाबाट सतर्क रहनुहोला ।’

मह जोडीको रुपमा प्रख्यात अर्का कलाकार हरिवंश आचार्य र उनकी श्रीमतीलाई गत वर्ष कोरोना संक्रमण भएको थियो ।

म लगायत मेरा छोरा ,छोरी, बुहारी र नातिनी पाँचै जना लाई Corona positive देखिएको छ ! भई सके पछि सास्ती चाही हुने रहेछ…

Posted by Madan Krishna Shrestha on Monday, April 19, 2021

[तपाईसँग वा तपाईको वरिपरी पनि कुनै प्रतिभा, रचना र विकृति विसङ्गतीका घटना छन् भने हामीलाई [email protected] मा ईमेल गर्नुहोस् अथवा ९८१३८८१३८८ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौँ । धन्यवाद ।।]