केन्यामा बस दुर्घटना : १५ को मृत्यु, १४ घाइते

हाम्रो सन्देश संवाददाता

काठमाडौं, २६ चैत्र ।

पूर्वी अफ्रिकी राष्ट्र केन्यामा बस दुर्घटना हुँदा १५ जनाको मृत्यु भएको छ भने १४ जना घाइते भएका छन् ।

बिहिबार केन्याको समुद्री तटमा रहेको सहर मालिन्डामा दुई यात्रुवाहक बस आपसमा ठोक्किएका थिए । किलिफी प्रान्तका प्रहरी कमिश्नर कुत्स्वा ओलाकाले दुवै सवारी चालकको घटनास्थलमै मृत्यु भएको बताएका छन् ।

उनले एक यात्रुवाहक बस समुद्री तटीय सहर मोम्बासाबाट गारिसा जाँदै थियो भने अर्को बस मोम्बासा आउँदै गरेको अवस्थामा मलिन्डी-मोम्बासा राजमार्गमा दुर्घटना भएको बताए ।

दुर्घटनाको साक्षीहरूका अनुसार गारिसातर्फ जाँदै गरेको बसले अर्को गाडीलाई उछिन्ने क्रममा सो घटना भएको बताए । केन्याको राष्ट्रिय यातायात सुरक्षा प्राधिकरणका अनुसार लगभग ३ हजार केन्याली सडक दुर्घटनामा मारिन्छन् ।

[तपाईसँग वा तपाईको वरिपरी पनि कुनै प्रतिभा, रचना र विकृति विसङ्गतीका घटना छन् भने हामीलाई [email protected] मा ईमेल गर्नुहोस् अथवा ९८१३८८१३८८ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौँ । धन्यवाद ।।]