स्वास्थ्य मन्त्रालयको अपीलः घरभित्रै बसौं, मोर्निङवाकमा नजाऔं

हाम्रो सन्देश संवाददाता

काठमाडौं, १३ चैत्र ।

स्वास्थ्य तथा जनसंख्या मन्त्रालयले अचानक मौसममा आएको परिवर्तनसँगै काठमाडौं उपत्यकामा वायु प्रदूषण निकै बढेको भन्दै सचेत रहन अपील गरेको छ ।
मन्त्रालयले शुक्रबार एक अपील जारी गर्दै घरबाहिर खुला स्थानमा नबस्न, मोर्निङवाकमा नजान, घरभित्रै बस्न र दीर्घ रोगी तथा जेष्ठ नागरिकहरुको विशेष ख्याल गर्न आग्रह गरेको छ ।

फोहोरको उचित व्यवस्थापन गर्न तर नजलाउन मन्त्रालयले आग्रह गरेको छ । धुलो धुँवा उड्ने खालका पेशा, व्यवसाय, निर्माण कार्यहरु केही दिनलाई स्थगन गर्न पनि मन्त्रालयले आग्रह गरेको छ ।
अत्यावश्यक नभइ सवारीसाधन नचलाउन तथा प्रदूषण कम गर्ने कार्यमा सघाउन समेत मन्त्रालयले सवै पक्षसँग आग्रह गरेको छ ।

[तपाईसँग वा तपाईको वरिपरी पनि कुनै प्रतिभा, रचना र विकृति विसङ्गतीका घटना छन् भने हामीलाई [email protected] मा ईमेल गर्नुहोस् अथवा ९८१३८८१३८८ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौँ । धन्यवाद ।।]