होटलको कोठाबाट वडाध्यक्षसँगै महिला प्रहरी नियन्त्रणमा

काठमाडौं, ६ चैत ।

दोगडाकेदार गाउँपालिका–७ का वडाध्यक्ष भरत महरा स्थानीय एक महिलासँग शङ्कास्पदरूपमा भेटिएका छन् । शङ्कास्पदरूपमा भेटिएका वडाध्यक्ष र ती महिलालाई नियन्त्रणमा लिइएको प्रहरी प्रमुख प्रहरी नायब उपरीक्षक नारायणप्रसाद अधिकारीले जानकारी दिए ।

उनीहरु दुवैलाई बिहान ३ः०० बजे स्थानीय खोचलेक बजारको एक होटलको कोठाबाट नियन्त्रणमा लिइएको हो । उनीहरु दुवै कोठामा रहेको भन्ने जानकारी वडाअध्यक्ष महराकी श्रीमतीले पाएपछि उनले नै प्रहरीलाई खबर गरे ।

शङ्कास्पद भेटिएका दुवै जनालाई जिल्ला ल्याइन लागिएको प्रहरी नायब उपरीक्षक अधिकारीले बताए । उनले भने “दुवै जनालाई एउटै कोठाबाट नियन्त्रणमा लिएका हौँ, जिल्ला ल्याइँदैछ”, उनले भने “जिल्ला ल्याइँदैछ थप बुझ्छौँ, अहिले नै सबै कुरा भन्न सकिने अवस्था छैन, पार्टीको काम भएकाले सँगै कोठामा बसेको भन्नेछ ।

महामन्त्री कोइरालाले भने : ओलीविरुद्ध १० दिनभित्र अविश्वासकाे प्रस्ताव आउँछ

नेता गगन थापाले भने :ओलीको नेतृत्वमा चुनावमा जान सकिँदैन

कांग्रेस नेता गगन थापाले केपी ओलीको नेतृत्वमा चुनावमा जान नसकिने बताएका छन् । ‘ओली सरकारले गर्ने निर्वाचनमा जान सकिँदैन । निर्वाचनमा धाँधली गर्न खोज्यो भने निर्वाचन आयोगले रोक्ने हिम्मत राख्छ ?’ उनले प्रश्न गर्दै भने, ‘यो निर्वाचन आयोग होइन, ओली आयोग हो ।’

स्याङ्जाको भीरकोटमा कांग्रेसले बिहीबार आयोजना गरेको सभामा थापाले ओलीलाई घर पठाउनकै लागि भए पनि कांग्रेसले आफ्नो नेतृत्वको सरकार बनाएर देशलाई निर्वाचनतर्फ लैजानुपर्ने बताए ।

‘हामीले अर्काको भार लामो समयसम्म लिएर बस्ने होइन, किनकि हामीले यस पटक सरकार चलाउने जिम्मा पाएको होइन । सरकार चलाउने जिम्मेवारी नेकपाले नै पाएको हो ।

तर, नेकपाले सरकार चलाउन नसकेपछि र नेकपाको वैधानिक रूपमै अवसान भइसकेपछि अब कांग्रेसले सरकारको दाबी गर्ने कुरा मिल्छ मात्रै होइन, गर्नुपर्छ,’ थापाले भने, ‘कांग्रेसको नेतृत्वको सरकार बनाएर सुशासन, कोभिडका कारण बढेको गरिबी र बेरोजगारी समस्या समाधान तथा ओलीले मिचेको संविधानलाई ठीक ठाउँमा ल्याउनुपर्छ ।’

नेता थापाले यी तीन काम सकेपछि कांग्रेसले देशलाई निर्वाचनमा लिएर जानुपर्ने बताए । उनले ओलीलाई अर्को दुई वर्षसम्म शासन चलाउन दिए केही बनाउन नसक्ने, बरु थप भत्काउने, नष्ट गर्ने टिप्पणी गरे ।

‘संवैधानिक निकायहरूलाई पंगु बनाउने, भत्काउने, संसदलाई पंगु बनाउने, निर्वाचनको नाममा सबैलाई पंगु बनाउने कामबाहेक केही हुँदैन,’ थापाले भने, ‘ओलीलाई घर पठाउनका निम्ति भए पनि कांग्रेसले आफ्नो नेतृत्वमा छोटो समयका लागि सरकारको नेतृत्व लिएर देशलाई निर्वाचनमा लानुपर्छ ।’

थापाले ओली सन्का शासक भएको टिप्पणी पनि गरे । उनले मुख्यमन्त्रीहरूमाथि पनि टिप्पणी गरे । ‘प्रदेशका मुख्यमन्त्री, को चाहिँ मुख्यमन्त्री जस्ता छन् ? यी सबै प्रधानमन्त्री केपी ओलीको बिग्रेको फोटोकपी जस्ता छन्,’ थापाले भने ।