होण्डा सिवी३५० मोटरसाइकल नेपाल भित्रिदै

हाम्रो सन्देश संवाददाता

काठमाडौँ ,२४ फागुन ।

होण्डाले आफ्नो नयाँ मोटरसाइकल सिवी३५० नेपाली बजारमा चाँडैनै ल्याउने जनाएको छ । एक सय किलोमिटरसम्म स्पीड गुड्नसक्ने एफआइ इनि्जन भएकोे मोटरसाइकल नेपाली बजारमा उपयुक्त हुने भन्दै केही महिनामै भित्राउने तयारी गरेको जनाएको हो ।

एयर कुल भएको र १५ लिटर पेट्रोल टंक क्षमता भएको वाइकले ३० देखि ३५ किलोमिटरसम्म माइलेज दिने जनाएको छ । दुवै तर्फ डिक्स ब्रेक भएको र ट्युवलेस टायर रहेको जनाएको छ । १६८ एमएम ग्राउण्ड कि्लरेन्स भएको मोटरसाइकल १७९ किलोग्राम सहित ३ रंगमा उपलब्ध गराएको छ ।

सुनको मूल्य बढ्यो

नेपाली बजारमा साताको दोस्रो दिन सुन प्रतितोला सय रुपैयाँले बढेको छ । आइतबार प्रतितोला ५ सय रुपैयाँले बढेको सुन सोमबार पुन: सय रुपैयाँले बढेको हो ।

साताको पहिलो दिन आइतबार छापावाल ८६ हजार १ सय रूपैयाँ प्रतितोलामा कारोबार भएको छापावाल सुन सोमबार ८६ हजार २ सय रूपैयाँ पुगेको नेपाल सुनचाँदी व्यवसायी महासंघले जनाएको छ।

तेजाबी सुन आइतबार प्रतितोला ८५ हजार ६५० रुपैयाँमा कारोबार भएको थियो भने सोमबार ८५ हजार ७५० मा कारोबार भइरहेको छ ।

चाँदीको मूल्य पनि सामान्य बढेको छ । नेपाली बजारमा आइतबार शुक्रबारकै भाउमा स्थिर रहेको चाँदी सोमबार १५ रुपैयाँले बढेको छ । महासंघका अनुसार सोमबार १ हजार २६५ रुपैयाँमा चाँदीको कारोबार भएको छ । आइतबार चाँदी १ हजार २५० मा कारोबार भएको थियो ।

अन्तर्राष्ट्रिय बजारमा आइतबार प्रतिऔंस १७०१.०९ डलरमा कारोबार भएको सुन सोमबार १७०७.८७ पुगेको छ। शुक्रबार २५.१७ डलर प्रतिऔंसमा कारोबार भएको चाँदी सोमबार बिहान २५.६२ डलर पुगेको छ।

[तपाईसँग वा तपाईको वरिपरी पनि कुनै प्रतिभा, रचना र विकृति विसङ्गतीका घटना छन् भने हामीलाई [email protected] मा ईमेल गर्नुहोस् अथवा ९८१३८८१३८८ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौँ । धन्यवाद ।।]