अमेरिका : उड्दै गरेको विमानमा आगो लाग्यो

हाम्रो सन्देश संवाददाता

काठमाडौं, ९ फागुन ।

अमेरिकामा उड्दै गरेको एक विमानमा आगो लागेको छ । आगो लागेपछि विमानका केही भाग झरेका थिए । डेनवरबाट होनोलुलुका लागि उडान भरेको विमानमा आगो लागेको हो ।

अमेरिकाको डेनवरनजिक यो घटना भएको हो । उडान भरेपछि आगो लागेको बोइङ ७७७ विमानमा २३१ यात्री र चालक दलका १० जना सदस्य सवार थिए ।

उडान भरेपछि विमानको एक इन्जिन फेल भएको बीबीसीले जनाएको छ । इन्जिनमा आगो लागेपछि विमानलाई डेनवरमा सकुसल अवतरण गरिएको थियो ।

अमेरिकास्थित फेडरल एभिएसन एडमिनिस्ट्रेसनका अनुसार फ्लाइट ३२८ को दाहिने तर्फको इन्जिनमा खराबी भएको थियो ।

[तपाईसँग वा तपाईको वरिपरी पनि कुनै प्रतिभा, रचना र विकृति विसङ्गतीका घटना छन् भने हामीलाई [email protected] मा ईमेल गर्नुहोस् अथवा ९८१३८८१३८८ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौँ । धन्यवाद ।।]