काठमाण्डाैमा दाहाल-नेपाल पक्षकाे राँके जुलुस

काठमाडाैं, २१ माघ ।

नेकपाको दाहाल-नेपाल निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)ले बुधबार साँझ काठमाडाैंकाे प्रदर्शनीमार्गमा राँके जुलुस निकालेकाे छ । प्रतिनिधिसभा विघटन र प्रधानमन्त्रीको कदमको विराेध गर्दै उनीहरुले जुलुस निकालेका हुन् ।

भोलि बन्द सफल पारौं, केपी ओली मुर्दावाद, प्रतिगमन मुर्दावाद’ लगायतको नारासहित उनीहरुले राँके जुलुस निकालेका थिए । नेकपा दाहाल–नेपाल पक्षले बुधबार पेरिसडाँडामा पत्रकार सम्मेलन गर्दै पूर्व निर्धारित कार्यक्रमलाई परिमार्जन गरेर बिहीबार आम हड्तालको घोषणा गरेकाे पूर्व सन्ध्यमा राँके जुलुस निकालिएको हाे ।

जसपा र दाहाल समुहका यी २० नेता ओली समुहमा प्रबेश, खुमलटारमा मच्चियो खैलाबैला !

पूर्वमाओवादी लडाकुलाई धुमधामसाथ आफ्नो क्याम्पमा भित्र्याउने प्रधानमन्त्री केपी ओलीको योजनालाई स्वयं कालिबहादुर खामले अन्तिम क्षणमा पूरा हुन नदिएको बुझिएको छ ।

पुष्पकमल दाहाल ‘प्रचण्ड’ का खास मान्छेलाई थुतेर नेकपाको अर्को पक्षलाई मनोवैज्ञानिक दबाव दिने उद्देश्यका साथ गत साता बालुवाटारमा पूर्वमाओवादी लडाकुहरुको प्रवेश कार्यक्रम राखिएको थियो ।

तर, सबै बन्दोबस्त मिलाएपछि खामले सन्देश पठाइदिए, ‘पहिले मेरो मुद्दा फिर्ता हुनुप¥यो अनि मात्र खुलेर लाग्छु । बालुवाटारमा आयोजित कार्यक्रममा प्रवेश गर्ने अधिकांश पूर्वमाओवादी लडाकुलाई केन्द्रीय सदस्य बनाउँदै शपथ खुवाउने योजना बनाइएको बताइन्छ ।

तर, खामले अन्तिम क्षणमा मुद्दा फिर्ताको शर्त तेस्र्याइदिएपछि बालुवाटारको रणनीतिमा असर परेको हो । पूर्वमाओवादीका एकजना नेतासँग खामले भनेका छन् ‘प्रधानमन्त्रीसँग एकचोटि भेटेको हुँ । मुद्दा फिर्ता भयो भने मात्र सोच्न सकिन्छ भन्ने खबर पठाइदिएको छु ।’

गृहमन्त्री रामबहादुर थापा बादलको प्रत्यक्ष निर्देशनमा एयरपोर्टबाट फिर्ता गर्दै पासपोर्ट जफत गरिएका लेनिन विष्टले पनि आफूले मुलुकको प्रधानमन्त्रीलाई भेट्न गएको तर कुनै पार्टी विशेषको कार्यक्रममा नगएको प्रतिक्रिया दिएका छन् ।

बालुवाटारमा गएको समाचार बाहिरिएपछि केही दिनअघि पेरिसडाँडा पुगेका विष्टले भनेका छन्, ‘केपी ओली समूहमा प्रवेश गर्नेवाला छैनौं,’ उनले थपे, ‘प्रधानमन्त्रीले हाम्रा कुरा सुन्छु भनेपछि सुनाउनैका लागि किन नजाने भनेर मात्र गएका हौं ।

गयौं, कुरा सुनायौं । उहाँले गर्छु पनि भन्नुभएको छ । तर, हामी पार्टी प्रवेश गरेका होइनौं । बालुवाटारले भने प्रचण्डलाई हेग पु¥याउन लेनिन विष्ट केपी ओली समूहमा प्रवेश गरेको शैलीमा प्रचार गरेको छ ।

यसअघि आफूले कुनै एउटा सन्दर्भमा बोलेको विषयलाई जोडेर बालुवाटारनिकट मिडियाले प्रचारबाजी गरेको उनको तर्क छ । उनले पेरिसडाँडामा नेताहरूसँग भनेका छन्, ‘प्रचण्डलाई हेग लैजाने कि बालुवाटार लाने ?

उनी भन्छन्, ‘बालुवाटारले हेग लैजाँदैन, यो उनीहरूको रणनीति मात्र हो ।’ केही दिनअघि विष्ट पेरिसडाँडा पुगेर नेताहरूसँग खुलस्त कुराकानी गरी फर्केको स्रोतको दाबी छ । बालुवाटारको भेटपछि उनी उता गएका हुन् ।

भेटमा अध्यक्षद्वय पुष्पकमल दाहाल ‘प्रचण्ड’ र माधवकुमार नेपाल तथा वरिष्ठ नेता झलनाथ खनालसँगै हुनुहुन्थ्यो । विष्टले आफ्ना कुरा प्रष्टसँग राखेको पेरिसडाँडा स्रोतले बताएको छ ।

त्यसक्रममा उनले भनेका थिए, ‘म केपी ओली गुटमा प्रवेश गरेको होइन भनेर विज्ञप्ति निकालेको छु । सबैले बुझ्नुपर्ने कुरा के हो भने उहाँ मुलुकको प्रधानमन्त्री पनि हो ।

जोसुकै प्रधानमन्त्री हुँदा पनि भेट्ने र कुरा सुनाउने हो । यसपटक मौका पाइयो, सुनाइयो । उहाँले गर्छु पनि भन्नुभएको छ । गर्नुभयो भने राम्रो । त्यो काम पार्टीले गरेर हुँदैन ।

यस्तै जनता समाजवादी पार्टीका नेता तथा पूर्वसांसद शिवजी यादव प्रधानमन्त्री केपी शर्मा ओली नेतृत्वको नेकपामा प्रवेश गरेका छन्। यादवलाई प्रधानमन्त्री ओलीले मंगलबार पार्टीमा स्वागत गरेका छन्।

जनतामा जाने ओलीको निर्णयलाई समर्थन गर्दै आफू उनीसँग गएको यादवले बताए । मुलुकलाई अस्थिरतामा धकेल्ने खेल भइरहेको छ। जनतामा जाने निर्णयलाई समर्थन गर्दै म नेकपामा आवद्ध भएको हो। मलाई पार्टीले जुन जिम्मावारी दिन्छ, त्यसमै रहेर काम गर्छु।

म पहिला पनि एमालेमै थिएँ,’ यादवले भने। महोत्तरीका यादव दोश्रो संविधान सभामा तत्कालीन समाजवादी फोरमका सांसद थिए। २०६३ को मधेस आन्दोलनपछि उनी मधेसी जन अधिकार फोरममा आवद्ध भएका हुन्। एमालेमा रहँदा उनी वुद्धिजिवी र प्रवास कमिटीमा थिए।