नेपाल इन्फ्राष्ट्रक्चरको आईपीओ शुक्रवार बाँडफाँड, ५० कित्तासम्म सबैले पाउने

हाम्रो सन्देश संवाददाता

काठमाडौं, १४ माघ ।

अहिले सम्मकै सार्वधिक आईपीओ जारी गरेको कम्पनी नेपाल इन्फ्राष्ट्रक्चरको प्राथमिक शेयरमा ५० कित्ता सबैले पाउने भएका छन्। कम्पनीले आज गरेको ‘प्रि अलटमेन्ट’ अनुसार ५० कित्तासम्मको लागि आवेदन दिने सबैले प्राप्त गर्ने भएका हुन् । धितोपत्र निष्काशन तथा बिक्री प्रवन्धक एनआविएल एस क्यापिटलल स्रोतले भन्यो ‘५० कित्तासम्म आवेदन दिने सबैले पाउने छन् भने, साही भन्दा बढि आवेदन दिने मध्ये केहिले थप १० कित्ता प्राप्त गर्न सक्नेछन् ।’
क्यापिटलले ‘प्रि अलटमेन्ट’ को तथ्याङक धितोपत्र बोर्डमा पठाएको छ। बोर्डले स्वीकृत गरे पछि कम्पनीले शुक्रवार विहान १० बजे बाँडफाँट गर्ने महाप्रवन्धक मेख थापाले जानकारी दिए।

बैंकले माघ दुई गतेदेखी ६ गतेसम्म सर्वसाधारण समुहको ८ करोड कित्ता प्राथमिक शेयर निष्काशन गरेको थियो। बैंकले निष्काशन गरेको प्राथमिक शेयरमा १५ लाख २९ हजार जनाले आवदेन दिएका छन्।

बैंकले ८ करोड कित्तामध्ये कर्मचारीका लागि एक लाख ६० हजार कित्ता सुरक्षित गरेको छ। त्यस्तै म्युचुअल फण्डहरुलाई ५ प्रतिशत अर्थात् ४० लाख कित्ता बिक्री गरिसकेको छ। कर्मचारी र म्युचुअल फण्डलाई बिक्री गरेर बाँकी रहेको ७ करोड ५८ लाख ४० हजार कित्ता सर्वसाधारणका बाँडफाँट गर्दैछ। हाल बैंकका संस्थापकहरुको सेयर पुँजी १२ अर्ब रुपैयाँ रहेको छ। प्राथमिक सेयर निष्काशनपछि बैंकको चुक्ता पुँजी २० अर्ब रुपैयाँ पुग्नेछ।

अहिलेसम्मको सेयर संचरनाअनुसार नेपाल सरकारको स्वामित्व १६.६७ प्रतिशत रहेको छ। प्राथमिक सेयर निष्काशनपछि नेपाल सरकारको स्वामित्व १० प्रतिशतमा खुम्चिनेछ। बैंकमा नेपाल सरकारको लगानी २ अर्ब रुपैयाँ रहेको छ। त्यस्तै हाल वाणिज्य बैंकहरुको सेयर स्वामित्व ३४.८२ प्रतिशत रहेको छ। प्राथमिक सेयर निष्काशनपछि उनीहरुको पनि सेयर स्वामित्व २०.८९ प्रतिशतमा खुम्चिने छ। हाल उनीहरुको लगानी ४ अर्ब १७ करोड रुपैयाँ रहेको छ।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।