तोलामा १० हजार रूपैयाँले घट्यो सुनको भाउ

हाम्रो सन्देश संवाददाता

काठमाडाैँ, १० माघ ।

२३ साउनमा नेपाली बजारमा तोलाको एक लाख ३ हजार ५०० रूपैयाँ पुगेको सुनको भाउ आज ९३ हजार १ सयमा झरेको छ । तोलामा एक हजार २ सय रुपैयाँ घटेर सुनको मुल्य आज तोलाको ९३ हजार एक सय रुपैयाँ निर्धारण गरिएको नेपाल सुनचाँदी व्यवसायी महासंघले जनाएको छ ।

हिजो पनि सुनको मुल्य तोलामा एक हजार २ सय रुपैयाँ नै घटेर तोलाको ९४ हजार ३ सय रुपैयाँ थियो । केही दिनयता नाफा सुरक्षित गर्नको लागि अन्तर्राष्ट्रिय बजारमा सुन बिक्रीमा आएपछि मुल्य घट्दै गएको महासंघले अन्तर्गतको मुल्य निर्धारण समितिका संयोजक तेजरत्न शाक्यले बताउनुभयो ।

करिब एक महिनाको अवधिमा सुनको भाउ तोलामा १० हजार रूपैयाँले ओरालो लागेको छ । अमेरिकामा रोजगारी बढ्दा सुनचाँदीको मूल्य घट्ने गरेको एजेन्सीहरू बताउछन् ।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।