रवि लामिछानेले न्युज २४ टिभी छाडे

हाम्रो सन्देश संवाददाता

काठमाडौं, ७ माघ ।

सिधा कुरा जनतासँग’ कार्यक्रमका प्रस्तोता रवि लामिछानेले न्युज २४ टेलिभिजन छाडेको घोषणा गरेका छन्।

बुधबार साँझ सामाजिक सञ्जालमा एक स्टाटस लेख्दै लामिछानेले भोलि प्रसारण हुने कार्यक्रमनै न्युज २४ टेलिभिजनमा बज्ने अन्तिम कार्यक्रम हुने उल्लेख गरेका छन्।

लामिछानेले आफ्नो कार्यक्रममा जनचासोका बिषय समावेश गर्ने भएकाले उनको कार्यक्रम युवा पुस्ता माँझ लोकप्रिय थियो।

न्युज २४ टिभीमा करिब ५ बर्ष अघि आवद्ध भएका लामीछाने सो टेलिभिजनमा कार्यक्रम विभागमा प्रमुख कार्यकारी निर्माता एवं प्रस्तोताका रूपमा कार्यरत थिए।

उनी नयाँ आउन लागेको टेलिभिजनमा जान लागेको र सोही टिभीबाट कार्यक्रम प्रस्तुत गर्ने बताइएको छ। सिधा कुरा जनतासँग कार्यक्रम चलाउने क्रममा लामीछानेले तालीसँगै गाली र अवरोध पनि झेलेका थिए।

२०७६ मा पत्रकार शालिकराम पुडासैनी मृत्यु प्रकरणमा लामिछाने पक्राउ समेत परेका थिए। आरोप पुष्टि नभएपछि उनलाई मा अदालतले सफाइ दिएको थियो।

लामिछानेले सिधा कुरा जनतासँग कार्यक्रमलाई अझ परिस्कृत, सशक्त बनाएर पुनः दर्शकमाझ आउने बताएका छन्।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।