पेट्रोल/डिजेलको मूल्य बढ्यो

हाम्रो सन्देश संवाददाता

काठमाडौं, ७ माघ ।

नेपाल आयल निगमले पेट्रोल, डिजेल र मट्टितेलको मूल्य बढाएको छ ।

सोमबार राति १२ बजेबाट लागू हुने गरी मूल्य बढाइएको हो ।

निगमका प्रवक्ता विनितमणि उपाध्यायका अनुसार पेट्रोल, डिजेल र मट्टितेलको मूल्यमा प्रतिलिटर २ रुपैयाँले मूल्य वृद्धि गरिएको हो ।

अब पेट्रोलको मूल्य प्रतिलिटर १ सय १० रुपैयाँ पुगेको छ भने डिजेल र मट्टीतेलको मूल्य समान ९३ रुपैयाँ पुगेको छ ।

प्रवक्ता उपाध्यायका अनुसार हवाई ईन्धन र एलपी ग्यासको मूल्य भने बढाइएको छैन ।

इण्डियन आयल कर्पोरेसनबाट मूल्य बढेर आएकोले नेपाली बजारमा समेत मूल्य बढ्न पुगेको निगमको भनाई छ ।

[तपाईसँग वा तपाईको वरिपरी पनि कुनै प्रतिभा, रचना र विकृति विसङ्गतीका घटना छन् भने हामीलाई [email protected] मा ईमेल गर्नुहोस् अथवा ९८१३८८१३८८ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौँ । धन्यवाद ।।]