भारतले मिचेको भूमि फिर्ताका लागि वार्ता नगर्न ओली सरकारलाई प्रचण्ड–नेपालको कडा चेतावनी !

हाम्रो सन्देश संवाददाता

काठमाडौं, ४ माघ ।

दाहाल(नेपाल समूहको पेरिस डाँडामा बसेको स्थायी कमिटी बैठकले प्रधानमन्त्री केपी शर्मा ओली नेतृत्वको सरकार काम चलाउ भइसकेकाले भारतसँगको वार्ता अघि नबढाउन चेतावनी दिएको हो।

बैठकपछि निर्णय सुनाउँदै दाहाल(नेपाल समूहका स्थायी कमिटी सदस्य भीम रावलले काम चलाउ सरकारले भारतसँग वार्ता गर्ने कुरा राष्ट्रिय हितविपरीत हुने बताएका छन्।

नेपालको अतिक्रमित भूमि लिम्पियाधुरा, कालापानी र लिपुलेक फिर्ता गराउन हामीले नै पहल र प्रयत्न गरेका थियौँ। तर सरकारले नक्सा छाप्ने कुरामा समेत ढिला गरेको थियो। प्रधानमन्त्रीलेसमेत यसमा ध्यान दिएका थिएनन्ु, उनले भने, ुतर अहिले प्रधानमन्त्री केपी शर्मा ओलीले प्रतिनिधिसभा विघटन गरेर सरकार नै काम चलाउन बनिसकेको अवस्थामा यसलाई लिएर भारतसँग वार्ता गर्ने कुरा राष्ट्रिय हितविपरीत छ।ु

नेकपा दाहाल(नेपाल समूहले यदि त्यसरी वार्ता गरिएमा आफूहरुलाई मान्य नहुने पनि चेतावनी दिएको छ। ु

काम चलाउ सरकारले दीर्घकालीन असर गर्ने कुनै पनि कुरामा भारतसँग वार्ता गर्नु हुँदैन, त्यो राष्ट्रिय हितविपरीत छु, रावलले भने, यदि त्यसो गरिएमा त्यो वार्ता हाम्रा लागि अमान्य हुन्छ, हामी प्रतिरोधमा उत्रिने छौँ

[तपाईसँग वा तपाईको वरिपरी पनि कुनै प्रतिभा, रचना र विकृति विसङ्गतीका घटना छन् भने हामीलाई [email protected] मा ईमेल गर्नुहोस् अथवा ९८१३८८१३८८ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौँ । धन्यवाद ।।]