मेगा बैंकले बिनाधितो १५ लाख रुपैंयासम्म ऋण दिने

हाम्रो सन्देश संवाददाता

काठमाडौं, २१ पुस ।

मेगा बैंक नेपाल लिमिटेडले ललितपुर सुनचाँदी ब्यवसायी संघमा आबद्ध सुनचाँदी महिला व्यवसायीहरुलाई बिनाधितो ब्याज अनुदान कर्जा दिने भएको छ ।

मेगा बैंक नेपाल लिमिटेडकी प्रमुख कार्यकारी अधिकृत अनुपमा खुञ्जेली र ललितपुर सुनचाँदी ब्यवसायी संघका अध्यक्ष रमेशबहादुर शाक्यबीच संघमा आबद्ध महिला उद्यमीहरुलाई १५ लाख रुपैंयासम्म बिनोधितो ब्याज अनुदान कर्जा दिने सम्झौता पत्रमा हस्ताक्षर भएको हो ।

सुनचाँदी व्यवसायी संघबाट सिफारिससहित आवश्यक काजगपत्र लिएर आउने उद्यमीहरुले यो कर्जा पाउनेछन् । यस कर्जाले महिला उद्यमीहरुलाई आत्मनिर्भर बनाउन थप उत्साह र उर्जा मिल्ने मेगा बैंकको विश्वास छ ।

नेपाली बजारमा आकाशियो सुनको भाउ, २० हजार ६०० रुपैँयाले बढ्यो !

नेपाली बजारमा सुनको भाउ उर्लिएको छ । २०२० को सुरुवात देखि वर्षको अन्तिम समयसम्म आउँदा २० हजार ६ सय रुपैँया (२१.८९ प्रतिशत) ले बढेको हो ।

नेपाल सुनचाँदी व्यवसायी महासंघका अनुसार २०२० सुरुवातमा ७३ हजार ५०० मा कारोबार भएको सुनको मुल्य वर्ष अन्तिम दिन (डिसेम्बर ३१) मा ९४ हजार १०० मा कारोबार भएको छ ।

गएको अघिल्लो समय सुनको मुल्यले यस वर्षको नयाँ किर्तिमान कायम गरेको थियो । यस वर्षको नै सबैभन्दा बढी १ लाख ३ हजार ५ सय रुपैंयामा कारोबार भएको महासंघले जनाएको छ ।

यस्तै, एक वर्षको अवधिमा चाँदीको मुल्य ४ सय १० रुपैंयाले बढेको हो । वर्षको सुरुवातमा ८९० रुपैया रहेको चाँदीको मुल्य वर्षको अन्तिम समयसम्म आउँदा १३०० रुपैंया रहेको थियो ।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।