कुलमानले होइन लोडसेडिङ अन्त्य केपी ओलीले गरेका हुन् – पोखरेल

हाम्रो सन्देश संवाददाता

काठमाडौं, १७ पुस ।

लुम्बिनी प्रदेशका मुख्यमन्त्री शंकर पोखरेलले देशमा लोडसेडिङको अन्त्य प्रधानमन्त्री केपी शर्मा ओली गरेको बताएका छन् । नेकपा ओली समूहको बिहीबार प्युठानमा आयोजित जिल्लास्तरीय अगुवा कार्यकर्ता भेलालाई सम्बोधन गर्दै पोखरेलले देशमा लोडसेडिङको अन्त्य कुलमान घिसिङले नभई प्रधानमन्त्रीले गरेको बताएका हुन् ।

प्रधानमन्त्री ओलीले भारतसँग ट्रान्समिसन लाइन र विद्युत खरिद सम्झौता गरेर लोडसेडिङ अन्त्यको आधार तयार पारेको बताए । एउटा व्यवस्थापकलाई लोडसेडिङ अन्त्यको जस दिनु सही नभएको उनको भनाइ छ । नेकपा ओली समूहको जिल्ला संगठन कमिटीले आयोजना गरेको कार्यक्रममा मुख्यमन्त्री पोखरेलले भने, ‘विद्युत संकट समाधान गर्ने आधार प्रधानमन्त्री केपी शर्मा ओलीले तय गर्नुभएको हो ।’

उनले कुलमानले विद्युत चुहावट नियन्त्रणमा सहयोग गरेको स्वीकार गर्दै प्रधानमन्त्री ओलीले भारतबाट २५० मेगावाट विद्युत खरिद गरेसँगै लोडसेडिङ अन्त्य भएको दाबी गरे।

[तपाईसँग वा तपाईको वरिपरी पनि कुनै प्रतिभा, रचना र विकृति विसङ्गतीका घटना छन् भने हामीलाई [email protected] मा ईमेल गर्नुहोस् अथवा ९८१३८८१३८८ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौँ । धन्यवाद ।।]