गजल

हाम्रो सन्देश संवाददाता

-अनु शाह

पराई माटो टेके पछि छाती भरि देश दुख्छ
देशको हालत देखे पछी छाती भरि देश दुख्छ

कल्पनामा सु-सम्पन्न बिकाशका कुराहरु
कवितामा लेखे पछी छाती भरि देश दुख्छ

आफु भन्दा प्यारो मेरो देश भित्र जता ततै
हिंसा मात्रै भेटे पछी छाती भरि देश दुख्छ

जानी जानी छिमेकीले जनक बुद्ध मेरो भनि
यथार्थलाई रेटे पछि छाती भरिदेश दुख्छ

आफन्त कै षड्यन्त्रमा परेको छ मेरो धर्ति
सन्तानले नै बेचे पछी छाती भरि देश दुख्छ