सुनको मूल्यमा वृद्धि,आज सुनको मूल्य तोलामा कती बढ्यो

हाम्रो सन्देश संवाददाता

काठमाडौं, १० असार ।

बुधबार सुनको मूल्यले फेरी नयाँ रेकर्ड बनाएको छ । छापावाला सुन तोलाको ९१ हजार १ सय रुपैयाँमा किनबेच भइ सुनको मूल्यले नयाँ रेकर्ड कायम गरेको हो ।

मंगलबारको तुलनामा बुधबार सुनको मूल्य तोलामा ५ सय रुपैयाँले बढेको हो । मंगलबार छापावाला सुन प्रतितोला ९० हजार ६ सय रुपैयाँमा किनबेच भएको थियो ।

यसअघि सोमबार ९१ हजार रुपैयाँमा किनबेच भइ सुनको मूल्यले रेकर्ड बनाएको थियो । बुधबार तेजावी सुन प्रतितोला ९० हजार ६ सय ६५ रुपैयाँमा कारोबार भइरहेको छ ।

चाँदीको मूल्य पनि तोलामा पाँच रुपैयाले बढेर प्रतितोला ९ सय ४५ रुपैयाँमा किनबेच भइरहेको महासंघले जनाएको छ ।

निरन्तर उकालो लागिरहेको सुनको मूल्य आज (सोमबार) तोलामा चार सय रुपैयाँले बढेको छ। सुनको मूल्य प्रतितोला ९१ हजार कायम गरिएको छ । उक्त मूल्य हालसम्मकै उच्च मूल्य हो।

सोमबार छापावाला सुन प्रतितोला ९१ हजार र तेजाबी सुन प्रतितोला ९० हजार पाँच सय ६५ रुपैयाँ कायम भएको नेपाल सुनचाँदी व्यवसायी महासँघले जनाएको छ । आइतबार छापावाला सुन प्रतितोला ९० हजार छ सय रुपैयाँ र तेजाबी सुन प्रतितोला ९० हजार तीन सय रुपैयाँमा कारोबार भएको थियो।

यसैगरी, चाँदीको मूल्य पनि सोमबार तोलामा १० रुपैयाँले बढेर प्रतितोला नौ सय ५० रुपैयाँ तोकिएको छ।आइतबार चाँदी प्रतितोला नौ सय ४० रुपैयाँमा कारोबार भएको थियो।

सुनको मूल्य बढ्यो, तोलामा कति पुग्यो ?

नेपाली बजारमा आज सुनको मूल्य बढेको छ । बिहिबार छापावाल सुन प्रतितोला ८९ हजार ८ सयमा कारोबार भएकोमा आज १ सयले बढेको हो ।

नेपाल सुन चाँदी व्यवसायी महासंघका अनुसार आज छापावाल सुन प्रतितोला ८९ हजार ९ सयमा कारोबार भइरहेको छ भने तेजावी सुन तोलाको ८९ हजार ४ सय ६० मा कारोबार भइरहेको छ ।

त्यस्तै, चाँदीको मूल्य आज प्रतितोला ५ रुपियाँले घटेको छ । आज चाँदीको मूल्य प्रतितोला ९३० रुपियाँमा कारोबार भइरहेको महासंघले जनाएको छ ।

आशिंक रुपमा सुनचाँदीको पसल खोलिदै

आइतबारबाटआशिंक रुपमा सुनचाँदीको पसल खोलिने भएको छ ।
नेपाल सुनचाँदी व्यवसायी महासंघले विज्ञप्ति जारी गर्दै आइतबारबाट सुनचाँदीको दरभाउ प्रकाशित हुने जानकारी दिएको हो ।

सरकारले आर्थिक क्रियाकलाप खुकुलो बनाउने निर्णय गरेसँगै महासंघले पनि सुनचाँदी व्यवसायलाई सुचारु गर्ने जनाएको छ ।

चैत ११ गतेदेखि लकडाउन भएसँगै सुनचाँदीको कारोबार हुन सकेको छैन । अब सुनचाँदीको दरभाउ प्रकाशित भएसँगै कारोबार शुरु हुने अपेक्षा गरिएको छ ।
‘अहिले लकडाउनको मोडालिटी परिवर्तन गर्ने प्रक्रिया शुरु भएकाले सोहीअनुसार विभिन्न जिल्ला प्रशासन, सम्वन्धित महानगरपालिकारनगरपालिकारगाउँपालिका र सम्बन्धित उद्योग वाणिज्य संघको संयुक्त सहमतिमा केही घण्टा ब्यवसाय सञ्चालनगर्न पाउने ब्यवस्था गरे अनुसार सुनचाँदी ब्यवसाय पनि आंशिकरुपमा सञ्चालन हुने भएको छ ।

यसर्थ हालसम्म स्थगन गरिएको दरभाउ यस महासंघले मिति २०७७ जेठ २५ गते आइतबारदेखि पुनः प्रकाशित गरिने महासंघका प्रवक्ता मनोजकुमार शाहले जानकारी दिए ।

हाम्रो युटुब च्यानल SUBSCRIBE गर्नुहोस । यो भिडियो तपाईलाई मन परेको छ भने लाईक, सेयर र कमेन्ट गर्नुहोस् ।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।