इटालीमा एकैदिन ६८३ र स्पेनमा ६५६ को मृत्यु, अमेरिकामा १० हजार संक्रमित थपिए

हाम्रो सन्देश संवाददाता

काठमाडाैं,१३ चैत्र ।

कोरोना भाइरसले इटलीमा एकै दिन ६ सय ८३ जनाको ज्यान गएको छ । इटलीमा ५७ हजार ५ सय २१ जान संक्रमित छन् भने ९ हजार ३ सय ६२ जनाको उपचार भएको छ ।

एकै दिन धेरैले ज्यान गुमाउनेमा इटलीपछि स्पेन रहेको छ । स्पेनमा एकै दिन ६ सय ५६ जनाले ज्यान गुमाएका छन् । त्यस्तै स्पेनमा हालसम्म ४० हजार ५ सय १ जना संक्रमित छन्। स्पेनमा ५ हजार ३ सय ६७ जनाको उपचारको भएको छ ।

त्यस्तै फ्रान्समा पनि कोरोनाले ज्यान गुमाउनेको संख्या दिनानुदिन बढ्दै छ। फ्रान्समा एकै दिन २ सय ३१ जनाले ज्यान गुमाएका छन्। त्यहाँ हालसम्म २० हजार संक्रमित छन् भने ३ हजार ९ सयको उपचार भएको छ ।

तीव्र रूपमा संक्रमितको संख्या बढेपछि विश्व स्वास्थ्य संगठनले अमेरिका चीन र इटालीपछि अर्को इपिसेन्टर बन्न सक्ने चेतावनी दिएको छ ।

त्यस्तै अमेरिकामा बुधबार एकैदिन १० हजारभन्दा बढी नयाँ संक्रमित थपिएका छन् । यससँगै अमेरिकामा पनि समग्र भाइरस संक्रमितको संख्या ६५ हजार ७०० नाघेको छ ।

अमेरिकामा बुधबार मात्र १५५ जनाको भाइरसको कारण ज्यान गुमाएका थिए । यससँगै समग्र मृत्यु हुनेको संख्या पनि ९३५ पुगेको छ ।

इटालीपछि दोस्रो सबैभन्दा धेरै मानिसको ज्यान गएको स्पेनमा अहिलेसम्म ३ हजार ६०० भन्दा धेरै मानिसले ज्यान गुमाइसकेका छन् भने ४९ हजार ५०० भन्दा धेरै मानिसमा यो भाइरसको संक्रमण पुष्टि भइसकेको छ ।

विश्वभर कोरोना भाइरसको संक्रमण ४ लाख ६८ हजार नाघेको छ भने मृत्यु हुनेको संख्या पनि २१ हजार नाघेको छ ।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।