अफगानिस्तानमा ८० जना यात्रु सवार विमान दुर्घटना

हाम्रो सन्देश संवाददाता

काबुल, १३ माघ ।

अफगानिस्थानमा ८० जना यात्रु सवार एउटा विमान दुर्घटनामा परेको छ ।

एरियाना एयरलाइन्सको बोइङ ७३७–४०० विमान अफगानिस्तानको पूर्वी क्षेत्रमा दुर्घटनामा परेको जनाइएको छ ।

तालिबानी लडाकुहरुको कब्जामा रहेको गजनी प्रान्तअन्तर्गत पर्ने हेड यक जिल्लाको पहाडी क्षेत्रमा विमान दुर्घटनाग्रस्त भएको त्यहाँको प्रान्तीय प्रवक्ता आरिफ नुरीले जानकारी दिएका छन् ।

प्रान्तीय प्रवक्ताले प्राविधिक गडबडीका कारण विमानमा आगो लाग्न पुगेको जनाएका छन् ।

विमान दुर्घटनामा परेर भएको क्षति तथा यात्रुहरुको अवस्थाबारे भने कुनै विवरण प्राप्त हुन सकेको छैन ।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।