विवाहमा साइँली औंलामा औठी किन लगाइन्छ ?

हाम्रो सन्देश संवाददाता

दुलहा दुलहीले विवाहको बेलामा एकआपसको साइँली औंलामा औठी लगाइ दिने चलन छ । विवाह बन्धनमा बाधिएका महिलाहरूले बायाँ हातको साइँली औंला र पुरुषहरूले भने दायाँ हातको साइँली औंलामा औठी लगाउने चलन पहिलेदेखि नै चल्दै आएको मानिन्छ ।

विवाहको चिन्ह स्वरुप औठी लगाइदिने चलन इशापूर्व ३००० मा शुरू भएको थियो र त्यसबेलादेखी विवाहमा औठी लगाउने चल्दै आएको छ । यो परम्परा प्राचीन रोमन र ग्रीक समयमा चलेको मानिन्छ । तर, साइँली औंलामै औठी किन लगाइन्छ भनेर अधिकांश मानिसहरूलाई थाहा नहुन सक्छ ।

पहिला औठी दुलहाका बुबालाई विवाहको चिन्ह स्वरुप दिने चलन थियो । अहिले भने औठी बेहुलालाई नै लगाइदिने गरिन्छ । केटिहरूको बायाँ हातको साइँली औंलामा र केटाहरूको दायाँ हातको साइंली औलाको नसा सिधै मुटुमा जोडिने हुँदा उक्त औला मा औंठी लगाइ दिँदा सीधा मनसँग सम्बन्ध हुन्छ भन्ने मान्यता रहेको बुझिन्छ ।

विवाहको औंठीले परिवारप्रतिको जिम्मेवार हुने र जिन्दगीभर श्रीमतीलाई रक्षा गर्ने सुत्रका रुपमा औंठीलाई लिने चलन छ । एक आपसमा प्रेम साटासाट गर्ने माध्यमका रुपमा पनि औंठी लगाइन्छ । कुनै कुनै ठाउँमा केटाहरूले समेत बायाँ हातको साइँली औलामा पनि औंठी लगाउने चलन रहेको छ ।

हाम्रो सन्देशमा प्रकाशित कुनैपनि लेख वा सामग्रीबारे गुनासो तथा सुझाव भए [email protected] मा पठाउनु सक्नुहुनेछ । हामीसँग तपाईं फेसबुक, ट्विटर र भाईबरमा पनि जोडिन सक्नुहुन्छ ।