पैसा होइन, छोरीलाई विवाहमा २१ विशालु सर्प दाइजो !

हाम्रो सन्देश संवाददाता

मुम्बई, १ माघ ।

बाबुले आफ्नी छोरीलाई विवाहमा खुसीका लागि केही न केही सामान वा पैसा दाइजोका रूपमा दिने गर्छन् ।तर के तपाईंले कहिल्यै एक बाबुले विवाहमा आफ्नी छोरीलाई विशालु सर्प उपहार दिन्छन् भन्ने सुन्नुभएको छ ? यो कुरा केही अनौठो पनि लाग्छ ।

तर भारतको मध्यप्रदेशमा बस्ने गौरिया समुदायमा विशालु सर्प उपहार दिने प्रचलन छ । यो समुदायमा यो परम्परा शताब्दियौंदेखि चल्दै आएको छ ।

यो समुदायमा मानिसहरूले छोरीलाई विवाहमा घरेलु उपभोगका लागि सामान र रूपैयाँको सट्टा २१ वटा सर्प दिन्छन् । यसरी दिइने सर्प अत्यन्तै विशालु हुने गर्छन् ।

गौरिया समुदायको यो अनौठो प्रथालाई लिएर केही मान्यतासमेत रहेका छन् । जसले आफ्नी छोरीलाई विवाहमा विशालु सर्प उपहार दिँदैन, उनकी छोरीको वैवाहिक सम्बन्ध चाँडै टुट्छ भन्ने मान्यता साे समुदायमा छ ।

अर्को मान्यता भनेको बाबुले छोरीलाई विशालु सर्प दिएमा ज्वाइँले तिनै सर्पका माध्यमबाट कमाइ गर्छन् र छोरीलाई पाल्न सक्छन् ।

यो समुदायका मानिसको मुख्य पेसा सर्पपालन हो र यस समुदायका मानिसले अन्य मानिसलाई सर्प देखाएर पैसा कमाउँछन् । यस कारण उनीहरू छोरीलाई दाइजोमा सर्प दिने गर्छन् ।

बाबुले छोरीको विवाह निश्चित भएपछि दाइजोमा दिने सर्प समात्न थाल्छन् । जसमा गहुंवा र डोमी नामका सर्प हुन्छन् । जसले एक पटक टोक्न पायो भने मान्छेको ज्यान नै जान्छ ।

हाम्रो सन्देशमा प्रकाशित कुनैपनि लेख वा सामग्रीबारे गुनासो तथा सुझाव भए [email protected] मा पठाउनु सक्नुहुनेछ । हामीसँग तपाईं फेसबुक, ट्विटर र भाईबरमा पनि जोडिन सक्नुहुन्छ ।