श्याम परदेशीभन्दा खुंखार साहुकार भेटिए, न्याय माग्दै पीडित पुगे काठमाडौं

हाम्रो सन्देश संवाददाता

काठमाडौँ २३, पुस ।

लाख ऋण दिएर करोडको तमसुक बनाउने श्याम परदेशीभन्दा पनि खुंखार साहुकार भेटिएका छन्।

सर्लाहीको बरहथवाका रामबाबु राय र ब्रम्हपुरीका सञ्जय साह रौनियारले ऋण दिएबापत जग्गा बन्धकी राख्नेमात्र होइन, रजिष्ट्रेसन नै पास गरेर लिने गरेका समाचार नयाँ पत्रिका दैनिकमा छ।

राय र रौनियारबाट पीडित एक समूह न्याय माग्दै काठमाडौँ आएको छ। ऋण दिँदा उनीहरुले बन्धकी मात्र होइन, रजिस्ट्रेसन नै पास गरेर घरजग्गा नै कब्जामा लिएका छन्। सर्लाही आसपासका १५ सय परिवार उनीहरुबाट पीडित छन्।

जनतालाई लाख ऋण दिएर करोडको तमसुक बनाउने रामबाबु रामबाबु राय यादव राजपा केन्द्रीय सदस्य हुन्। सञ्जय रौनियार गत निर्वाचनमा नयाँ शक्तिका प्रदेश सभा उम्मेदवार भएका थिए। उनीसँग भारती नागरिकता पनि छ। रामबाबु रायले रामप्रवेश महतोलाई ८ लाख ६२ हजार लिएका थिए। त्यसको साउँ व्याज गरी उनले ५१ लाख असुल गरे। तर, ऋण चुक्ता नभएको भन्दै जग्गा नै कब्जा गरेका छन्।

हाम्रो सन्देशमा प्रकाशित कुनैपनि लेख वा सामग्रीबारे गुनासो तथा सुझाव भए [email protected] मा पठाउनु सक्नुहुनेछ । हामीसँग तपाईं फेसबुक, ट्विटर र भाईबरमा पनि जोडिन सक्नुहुन्छ ।