साेनिकासँग काे गाेप्य च्याट बाहिरिए पछि पारसले यसाे भने ….

हाम्रो सन्देश संवाददाता

मंसिर,१५ काठमाडाैँ ।

पूर्व युवराज पारस शाह विभिन्न हत्कण्डाका कारण चर्चामा आउने गरेका छन् ।

पछिल्लो समय पारस युट्युवर सोनिका रोकायासँगको हिमचिमका कारण चर्चामा रहेका छन् ।

केही समयअघि पारस सोनिकासँग सँगै देखिने गरेका छन् ।

पोखराको एक होटल बाहिर मोटरसाइकलमा कसैलाई पर्खिएर बसेका पारसको बाइकको पछाडि सोनिका बसेपछि पारसले बाइक कुदाएदेखि पारस सोनिका सम्बन्ध सतहमा आएको थियो ।

पारस कहिले हेलिकोप्टर बूक गरेर सोनिकासहित अन्नपूर्ण बेसक्याम पुगे भने कहिले सोनिकासँग पिङमा पारसले रमाइलो गरेको भिडियो युट्युवमा भाइरल बन्यो ।

पूर्व राजपरिवारका सदस्य पारस कहिले मुक्तिनाथ पुगेको तस्वीर सामाजिक सञ्जालमा राख्छन भने उनले पर्समा आगो बालेर देखाएको भिडियो पनि भाइरल बनेको थियो । पछिल्लो समय यी र यस्तै हर्कतका कारण पारस चर्चामा छन् ।

यसैबीच पूर्व युवराज पारस शाहले सबै मान्छे नराम्रा नहुने उल्लेख गरेका छन् ।

सामाजिक सञ्जालमा पारसले आफ्नो एक तस्वीरसहित लेखेका छन्‘सबै मान्छेको मन धमिलो हुँदैन, सबै मान्छे नराम्रा हुँदैनन्, कहिलेकाही तेल सकिएर पनि दियो निभेको हुन सक्छ । हरेक समय हावा मात्र दोषी हुँदैन ।’

उनको यो भनाइ के प्रति लक्ष्ति छ जनाइएको छैन । तर आफूमाथि नराम्रो मानिसको ट्याग लागि रहँदा पारसले आफूले आफैलाई नराम्रो होइन भन्ने रुपमा व्याख्या गरेको पनि हुन सक्छ । सामाजिक सञ्जाल प्रयोगकर्ताहरुले भने यो स्टाटस सोनिकालाई नराम्रो भन्नेहरुप्रति लक्षित रहेको टिप्पणी गरेका छन् ।

धर्मका कारण रोकियो पारस हिमानी सम्बन्ध बिच्छेद !

पूर्वयुवराज पारस शाह र मोडल तथा सोनिका रोकाया केही समययता नजिक छन् । यी दुई प्रेममा रहेको चर्चा चल्ने गर्छ । यद्यपि दुवैले प्रेममा नरहेको दाबी गर्दै आएका छन् ।

यता पारस र सोनिकाको हिमचिम भने दिनप्रतिदिन बढ्दैछ । सोनिका र पारस पोखरादेखि अन्नपूर्ण बेसक्याम्पसम्म सँगै घुम्न गएका तस्वीर एकपछि अर्को गर्दै सार्वजनिक भएका थिए । सोनिकाले त अझ भिडियो ब्लग नै बनाएकी थिइन् ।

यतिबेला भने पारस र सोनिका अर्को एक कारणका कारण चर्चामा छन् । सामाजिक सञ्जालमा पारस र सोनिकाको भाइबर च्याटमा कुरा भएको स्कृनशट भाइरल भएको छ ।

भाइबर च्याटमा सोनिकाले पारसलाई पूर्वयुवराज्ञी हिमानीसँग डिभोर्स गर्न लागेको हो भनेर सोधेकी छिन् । उत्तरमा पारसले होइन भन्छन् ।
सोनिकाले अङ्ग्रेजीमा सोध्छिन् – ‘किन यति धेरै समाचाररु हिमानीसँग डिभोर्स हुन लागेको हो?’

पारसले धर्मका कारणले हिमानीसँग डिभोर्स गर्न नमिलेको बताउँछन् । उनले सोनिकालाई फोनमा कुरा गर्न आग्रह समेत गर्छन् ।
पारसले कसले यस्तो खबर फैलाएको छ पत्ता लगाउन अनुरोध गर्छन् ।

पारसले बरु मिडियाले गलतलाई पनि सत्य साबित गर्न खोजेको पारसले म्यासेज फर्काउँछन् ।

सोनिकाले भन्छिन् – ‘मलाई मान्छेले मेरो बारेमा के भन्छन् भन्नेमा चासो लाग्दैन तर म तपाईंलाई वास्तविक तपाईं बनाउने बाटोमा छु ।’

पारसले फेरि भन्छन् – ‘मैले के गरेको तिमी चाहन्छौ?’
त्यसपछि सोनिकाले आफूले बिहानै बुबासँग झगडा गर्नुपरेको सुनाउँछिन् ।

‘आज बिहानै मेरो बुबासँग झगडा पर्‍यो, उनीहरुलाई मैले तपाईंसँग बिहे गर्दैछु भन्ने लाग्छ, बुबालाई तपाईं र हिमानीका कारण म समस्यामा छु भन्ने लाग्छ ।’

उनको उत्तरमा पारसले ‘ओएमजी’ भन्छन् ।

यो च्याटको स्किृनशट सामाजिक सञ्जालमा छाएको छ । पछिल्लो समय पारस र सोनिकाको हिमचिम बढेपछि पूर्वराजपरिवारसँग पारसको समबन्ध राम्रो छैन । यता हिमानी भने पछिल्लो समय सामाजिक कार्यमा व्यस्त छिन् । उनको पारससँग सम्बन्ध राम्रो छैन ।

तपाईको समाचार, लेख /रचना वा सुझाव र प्रतिक्रिया भएमा [email protected] मा पठाउनुहोला ।
Loading...