दुर्घटनाका घाइतेको उद्धार गर्न हेलीकोप्टर लिएर पुगे प्रदेश ३ का मन्त्री दुलाल

हाम्रो सन्देश संवाददाता

काठमाडौं , २४ असोज ।

प्रदेश नम्बर ३ का सामाजिक विकास मन्त्री युवराज दुलाल सिन्धुपाल्चोकमा भएको बस दुर्घटनास्थल पुग्नु भएको छ । वस दुर्घटना भए लगत्तै उहाँ नेपाली सेनाको हेलीकोप्टर लिएर दुर्घटनामा घाईते भएकाहरुको उद्धार गर्नका लागि सिन्धुपाल्चोक पुग्नु भएको हो ।

त्यस क्षेत्रका सांसद समेत रहेका मन्त्री दुलालले सेनाको हेलिकोप्टर मार्फत सबै घाईतेहरुको उद्धार गरेर काठमाण्डौका बिभीन्न अस्पतालमा उपचार गराउनुभएको छ । वस दुर्घटना भएको थाहा पाए लगत्तै गृह मन्त्रालय संग कुराकानी गरेर हेलीकोप्टर मार्फत घाईतेहरुको उद्धार गरिएको मन्त्री दुलालले वताउनुभयो ।

सिन्धुपाल्चोकको इन्द्रावति गाउँपालिकामा वस दुर्घटना भएको हो । घटनास्थल पुग्नुभएका मन्त्री दुलाल संगै सबै घाईतेहरुलाई लिएर काठमाण्डौका अस्पतालमा पुगेर घाईतेको उपचारमा कुनै पनि कसर बाँकी नराख्नका लागि निर्देशन समेत दिनुभयो । मन्त्री दुलाल दुर्घटनाका घाइतेलाई काठमाण्डौका अस्पतालमा आफै वसेर उपचार गराउँदै हुनुहुन्छ । काठमाण्डौका थीन वटा अस्पतालमा घाईतेहरुको उपचार गराइरहनु भएको छ ।

सिन्धुपाल्चोक वस दुर्घटनामा घाईते भएकाहरुको काठमाण्डौको ट्रमा सेन्टरमा १३ जना, धुलिखेल अस्पतालमा ५३ जना र वनेपामा केही घाइतेहरुको उपचार भईरहेको छ । सबै घाईतेको अवस्था वुझनका लागि मन्त्री दुलाल अस्पतालमा पुग्नु भएको छ । सिन्धुपाल्चोकमा बस दुर्घटनामा मृत्यु हुनेको संख्या ११ पुगेको छ । ४० भन्दा बढी घाइते छन् ।

सिन्धुपाल्चोकको सुपाघाटबाट काठमाडौंतर्फ आउँदै गरेको बा २ ख २७१५ नम्बरको बस इन्द्रवाती गाउँपालिका १०, बडहरे झिल्के मोडमा शुक्रबार बिहान ९ः५५ बजे दूर्घटनामा परेको थियो ।

जिल्ला प्रहरी कार्यालय, सिन्धुपाल्चोकका अनुसार ५ जनाको घटनास्थलमै मृत्यु भएको थियो भने एक जनालाई उपचारका लागि धुलिखेल अस्पताल ल्याउने क्रममा बाटोमै मृत्यु भएको जनाइएको छ ।

उपचारका क्रममा थप ५ जनाको मृत्यु भएको प्रहरीले जनाएको छ । मृत्यु हुने मध्ये इन्द्रावती-९ की ४६ वर्षीय जुनादेवी लम्साल र  इन्द्रावती-१० का २० वर्षीय गणेश तामाङको मात्रै सनाखत भएको छ । अन्पको पहिचान खुलिसकेको छैन ।

बसमा दशैं मनाएर काठमाडौं फर्कंदै गरेका यात्रु थिए । प्रहरीका अनुसार ग्रामिण सडकमा रहेको घुम्तीबाट बस सडकबाहिर अन्दाजी ६० मिटर तल खसेको थियो । दूर्घटनाको कारणबारे प्रहरीले विस्तृत अनुसन्धान गरिरहेको जनाएको छ ।

शुक्रबार विहान करिव साढे ८ बजेतिर सिपाटरबाट छुटेको बा २ ख २७१५ नम्बरको बसमा यात्रुहरु खचाखच भरिएका थिए । बसभित्र सिटमा मात्र होइन, खाली ठाउँमा पनि मानिसहरु उभिएर बसेका थिए ।

दशैं मानेर फर्किनेहरु बसको छतमा पनि बसेका थिए । यात्रु रामकुमार थापाका अनुसार बाटामा थुप्रै यात्रुले बस चढ्न चाहेका थिए तर यात्रु खचाखच भएका कारण बस रोकिएन । बसको गति पनि अनियन्त्रित जस्तो थिएन ।

सिपाघाटबाट ६/७ किलोमिटर मात्र गुडेको बस तिहुको मोड आइपुग्दा दुर्घटनामा पर्‍यो । ‘एउटा मोड केटेपछि टायर पञ्चर भयो भने गाडी रोकियो’ सिपाटरबाटै बस चढेका भीमटारका थापा भन्छन्, ‘सडक ओरालो आरोलो रहेछ । ड्राइभरले सहचालकलाई ‘ओत हाल भाइ’ भन्दाभन्दै गाडी अगाडि बढ्यो ।’

१२० भन्दाबढी यात्रुले भरिएको बसको आरोलो बाटोमा टायर पञ्चर भएपछि ब्रेकले काम गरेन । त्यसपछि करिव १०० मिटरजति आलालो दौडिएको बस अनियन्त्रित भएर सडकमा बजारियो र बल्ड्याङ खायो ।

दुर्घटना परेको बस रोकिएपछि आफू सीसी फुटाएर बाहिर आएको भन्दै यात्रु थापा भन्छन्, ‘त्यसपछि श्रीमतीलाई बोलाए र उद्दारका लागि गाउँमा खबर गरेँ ।’ मानिसहरु गाडी र मोटरसाइकलमा आएर दुर्घटनामा परेकाहरुको उद्दार गरेको उनले सुनाए ।

प्रहरीकाअनुसार दुर्घटनास्थलमा पाँच जनाको मृत्यु भएको छ भने एक जनाको अस्पताल लैजाँदै गर्दा । पाँच जनाको भने धुलिखेल अस्पतालमा उपचारका क्रममा मृत्यु भएको जिल्ला प्रहरी कार्यालय काभ्रेले पुष्टि गरेको छ ।

सिन्धुपाल्चोक बस दुर्घटना स् मृत्यु जितेर फर्किएकाहरु भन्छन्, ‘अर्को जुनी पाइयो’

स्थानीय  जलेश्वर आधारभूत विद्यालयका प्रधानाध्यापक गुणनिधी लम्साल भक्तपुरको कमलबिनायकमा रहेका आफ्ना बिरामी भिनाजु भेटनको लागि शुक्रबार बिहान सिपाटारबाटबाट बस चढे ।  दसैंमा टीका थाप्न आएका उनका ज्वाइँ समेत बसमा सँगै यात्रा गर्दै थिए । बस कोचाकोच थियो । अन्तिमको भन्दा अगाडिको सिटमा लम्साल बसेका थिए । ‘दुर्घटना हुनुभन्दा अगाडि बस तीव्र गतिमा कुदयो,  त्यसपछि रोकिए जस्तो भयो,’ धुलिखेल अस्पतालमा उपचाररत लम्सालले रातोपाटीसँग भने ।

बसले दुइ–तीन बल्ड्याङ खायो, तल पुगेर रोकियो, यति हुँदासम्म पनि लम्साललाई खासै चोट लागेको थिएन । उनको औला र शरीरमा केही चोटमात्र लागेको थियो । उनले दुर्घटनाको स्मरण गर्दै भने, ‘ बाहिर निस्केपछि हेर्दा हेरिसक्नु भएन, मैले फोनबाट अरुलाई जानकारी गराए ।’

दसैं भएकाले अधिकास गाउँबाट काठमाडौ फर्कने, माइती, मामाघर, ससुराली र आफन्तका गएकाहरु घटना परेका छन्  । काठमाडौंँको जोरपाटीमा रहेको मनकामना स्कुल पढने कृति कुँवर र उनकी बहिनी रक्षा (ठुली ममिकी छोरी) सिपापोखरे मामाघरमा दशै मनाउन गएका थिए । बस खस्दा कृतीलाई अरु कसैले झ्यालबाट बाहिर फालिदियो ।

बहिनी भने भित्र नै भइन । तर भाग्ने क्रममा उनी सानी भएकाले धेरैले कुल्चिए । मुहार र अन्यत्र सामान्य चोट भएका कुँवर दिदिबहिनी एउटै पोशाकमा थिए । बसमा सवार प्रत्यक्षदर्शीका अनुसार बसमा १ सय २० हराहारी मानिस थिए ।

बसमा बालबालिकाको संख्या निकै थियो ।  त्यसैले एउटा सिटमा  ४ जनासम्म कोचिएर बसेका थिए । छतमा धेरै यात्रु थिए । केहीले भने छतबाट हामफलेर ज्यान जोगाएको समेत घाइतेले बताए ।

कच्ची सडक क्षमता भन्दा चौब्बर यात्रु र यान्त्रिक खराबीका कारण बस दुर्घटना भएको स्थानीयको भनाइ छ । शुत्रबार विहान सिन्धुपाल्चोक इन्द्रावती गाउँपालिकामा भएको बस दुर्घटना अहिलेसम्म ११ जनाको मृत्यु भएको छ ।

सिपाटारबाट काठमाडौ आउदै गरेको बस इद्रावती गाउँ पालिका(१० तिखुको मोडमा बस दुर्घटना भएको थियो । सिपाटारबाट काठमाडौँतर्फ आउँदै गरेको बा २ ख २७१५ नम्बरको बस दुर्घटनामा पर्दा ११ जनाको मृत्यु भएको प्रहरीले पुष्टी गरेको छ ।

बस दुर्घटना मृत्यु हुनेको सङ्ख्या अझै बढ्न सक्ने अनुमान गरिएको छ ।घाइतेहरुको स्थानीय स्वास्थ केन्द्र, धुलिखेल अस्पताल, शिर मेमोरियल अस्पताल बनेपा, वीर अस्पतालको ट्रमा सेन्टरमा उपचार भइरहेको छ ।

हाम्रो सन्देशमा प्रकाशित कुनैपनि लेख वा सामग्रीबारे गुनासो तथा सुझाव भए [email protected] मा पठाउनु सक्नुहुनेछ । हामीसँग तपाईं फेसबुक, ट्विटर र भाईबरमा पनि जोडिन सक्नुहुन्छ ।